Matthew 24:29 - Bible Ni Thothup

²⁹ “Nap’an ni yugu ra m’ay e re gafgow nem ko pi rran nem ma bayi talumor mit e yal’, ma dabki mat ram’en e pul, ma t’uf e bay mul u lanelang, ma gelngin e pin’en ni bay u lanelang e bay ni pingegrad ngranod ko gin ni gathi ir e yad be sor ngay.

Matthew 24:29 交叉參考

Eklesiastes 12:2

Ni aram e ngiyal’ nike achig ram’en e yal’ nge pul nge t’uf ni ga be guy, ma manileng ni nge aw nn’uw e yugu be par u lang.

Isaiah 13:10

Gubin e t’uf nge pin’en nma mat ra’en e ra m’ay ra’en ndabki mat, ra lumor ra’en e yal’ ni nge yib ngalang, ma m’ay ra’en e pul.

Isaiah 24:23

Pul e bayi lumor ra’en, me math ra’en e yal’, ni bochan e SOMOL ni Gubin ma Rayag Rok e bayi pilung. Bayi gagiyeg u lan yu Jerusalem u daken e Burey ni Zion, ma pi tayugang’ ko girdi’ e bay ra guyed feni maluplup’.

Isaiah 34:4

Yal’, nge pul, nge pi t’uf e bayi pilpil nge ngal’ ni fiyath. Lanelang e ra chuw ni bod bangi babyor ni kan bachiy, ma pi t’uf e ra mul ni bod yuwan e gek’iy ni grape fa gek’iy ni fig ni mulmul.

Joel 2:10

Yad ra yib ma but’ ni bay nga m’on rorad e be durru’; ma be rur lanelang. Yal’ nge pul e bayi par nike talumor, ma pi t’uf e dabki m’ug ram’en.

Joel 3:15

Bayi lumor e yal’ nge pul, ma dabki mat ra’en e t’uf.

Amos 5:20

Re rran nem rok SOMOL e ra fek e lumor i yib, ma gathi tamilang; ra yan i par ni reb e rran nib lumolang, ni dariy e tamilang.

Amos 8:9

Rofen nem e bay gu gagiyegnag nge ling e yal’ ni misiw’, me nep’ ni kab rran u fayleng. I Gag SOMOL ni Th’abi Tolang e kugog e pi thin ney.

Matthew 24:21

Ya gafgow ko re ngiyal’nem e ri kab mal’af ni kab gel e gafgow riy nga reb e gafgow ni ka’a yib, ni ka nap’an ni sum e fayleng nge mada’ ko bin daba’ e rran, fa ki yib reb e gafgow nta’reb rogon ngay.

Matthew 24:8

Urngin e pin’ey e bod e bin som’on e amith nma yib ngak be’ ni nge gargel.

2 Peter 3:10

Ya chirofen ni Rran rok Somol e bayi taw ni bod rogon ba moro’ro’. Chirofen nem e bay yan nga bayang lanelang ni be falgear lingan, ma urngin e tin ni bay u lanelang ban’en ni bayi yik’ nge kireb, ma fayleng nge urngin e tin bay riy e bayi chuw.

Revelation 8:12

Me thoy e bin aningeg e engel e rappa rok. Ma ta’ab guruy ko dalip guruy i ram’en e yal’ nge pul nge t’uf e m’ay; ma ta’ab guruy ko dalip guruy ko rran e par nib talumor, ma ku errogon e neap’.