Matthew 23:15 - Bible Ni Thothup

¹⁵ “Kari mu gafgowgad e pi tamchib ko Motochiyel nge gimed e pi Farise! Ya gimed be dake moding niged gimed! Gimed be chur u maday ma gimed be th’ab e pi nam nga baraba’ ni ngam pingeged ta’abe’ nge un ko taliw romed; ma fa’ani yag romed mi gimed ngongliy nge par nike l’agruw yay e mon’og nike tay romed ko yan ni nge tay nga fithik’ e nifiy ni bod gimed!

Matthew 23:15 交叉參考

Ester 8:17

Mu lan urngin e pi binaw nge pi yungi nug nnap’an ni yira be’eg fare thin nike yib rok e en pilung, me tabab e pi Jew ko madnom nge mur ni kar felan’gad. Ma aram me yo’or e girdi’ ko taliw rok e pi Jew e ngiyal’nem ni bochan e kar rusgad ngorad.

Matthew 23:13

“Kam gafgowgad e pi tamchib ko Motochiyel nge gimed e pi Farise! Ya gimed e pi’in gimed be dake moding niged gimed! Kam ninged mban e gagiyeg nu tharmiy nga owchen e girdi’, machane ku er rogomed ndab mmarod ngalan, ma ku dab mpaged e girdi’ ngranod ngalan, ni pi’in yad be guy rogon ni ngranod ngalan!

Matthew 3:7

Ma fa’ani guy John e Farise nge Sadduse ni pire’ ni karbad ngak ni nge tawfe nagrad, me ga’ar ngorad, “Gimed e pi porchoyog nir — mini’ e keyog ngomed nrayag ni ngam thaygad ko damumuw rok Got ni bayi taw?

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Matthew 5:29

Ere fa’anra waliyem e ba’ ni mat’aw i owchem ngam denen, ma ga luf ngam n’ag! Ya kabfel’ ni nge mul bangi dowam ko bin ni nga nin’ dowam ni polo’ nga fithik’ e nifiy ni dabi math bi’id.

John 8:44

Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.

Acts 13:10

me ga’ar, “Fak e mo’onyan’ gur! I gur e to’ogor rok urngin e tin ni bfel’ ban’en; gab sug ko urngin mit e sabanban ni kireb, ma gubin ngiyal’ ni ga be guy rogon ni ngam pingeg e thin rok Got nib riyul’ nge yan i par u wan’ e girdi’ ni thin ni malifith!

Acts 13:43

Ma fa’ani wear e girdi’ ko fare mu’ulung, ma bo’or piyu Israel nge pi’in gathi yad piyu Israel ni kar piggad kar uned ko ba’ rok piyu Israel e taliw nra uned ngak Paul nge Barnabas. Me welthin fa gal apostel ngorad ni yow be pi’ e athamgil nga lanin’rad ni ngu’ur pired ni yad be toer ko runguy rok Got ngorad.

Acts 14:19

Ma boch piyu Israel nrabad u Antiok ni bay u Pisidia nge boch piyu Israel nrabad u Ikonium, e ra pingeged laniyan’ fapi girdi’ ni aram urngin ngar folgad ngorad ngar malang niged Paul, nge mu’ miyad girengiy i yan nga wuru’ e binaw, ni kar fineyed ni kem’.

Acts 14:2

Machane pi’in nu Israel ndaburad ni nge mich Jesus u wun’rad e ra nonod ngak e pi’in gathi yad piyu Israel ngar pired ni kar damumuwgad ngak e pi’in walagey ni girdi’en Kristus.

Acts 17:13

Ma fa’ani rung’ag piyu Israel ni yad ma par u Thessalonika murung’agen Paul ni ki machibnag e thin rok Got ko girdi’ u lan e binaw nu Berea, miyad yib ngaram ngar tababgad i nonnon ngak e girdi’, ni yad be guy rogon ni nge togopluw e girdi’ ni pire’ ngak Paul nge Silas.

Acts 2:10

ngu Frygia ngu Pamfylia, ngu Egypt nge yu yang u Libya nib chugur nga Cyrene; ma boch i gadad e yib u Roma,

Acts 6:5

Ma urngin gathon fare ulung ni fel’ u wun’rad e tin ke yog fapi apostel; ma aram miyad mel’eg Stefen, ni be’ nib mo’on nrib mich Jesus u wan’ ma ba sug ko fare Kan Nthothup, ma ku errogon Filip, nge Prokorus, nge Nikanor, nge Timon, nge Parmenas, nge Nikolaus ni be’ u Antiok, ni gathi ir be’ u Israel, machane me pig nge un ko ba’ rok yu Israel e taliw.

Galatia 4:17

Tin ni be’er e girdi’ e gimed be par u lanin’rad, machane tin ni yad be finey ngomed e ba kireb. Ya kemus ni tin ni yad be finey ni ngar rin’ed ngomed e ngar feked gimed rog, ni fan e ngu’um leam niged yad ni bod rogon ni yad be leam nagmed.

Galatia 6:12

Pi’in yad be finey ni nganog e sorok ngorad ma yad be yog ni yad e ba sororad u murung’agen i wuru’ i dowey e ireram e picha’ ni yad be guy rogon ni ngar gel niged yad ngomed ngan maad’ad ngomed. Machane yad be rin’ ni kemus ni fan e nge dabiyag nni gafgow nagrad ni bochan e kuruth rok Kristus.

Efesus 2:3

Ma bin riyul’ riy e gadad gubin ni ud moyed ni gadad bod yad, ma ud pired ni gadad be ngongol nrogon e tin ni gadad be ar’arnag, ma gadad be rin’ e pin’en ni ir e bm’agan’ dowdad nge lanin’dad ngay; ma ku errogon ni ud pired nike muduwgil ni ngad gafgowgad ko damumuw rok Got ni bod urngin e girdi’.