Mark 9:31 - Bible Ni Thothup

³¹ “En ni Fak e Girdi’ e bay ni pi’ nga pa’ e girdi’, ma bay ra li’ed ngem’; ma fa’an bay nli’ ngem’ ma dalip e rran nga tomuren min faseg ko yam’.”

Mark 9:31 交叉參考

Matthew 16:21

Ngiyal’ nem i yan ngam’on e yog Jesus ngak pi gachalpen nib tamilang ni ga’ar, “Thingar gu wan nga Jerusalem ngar ug gafgow rok e pi’in pi’ilal, nge pi tolang ko prist, nge pi tamchib ko Motochiyel. Bay nli’eg nggum’, ma chirofen nra man e dalip e rran ngay e bay ni fasegeg ko yam’.”

Mark 9:12

Me fulweg Jesus ngorad ni ga’ar, “I Elijah e ir e ra yib nsom’on ni bochan e nge fal’eg rogon urngin ban’en nge tay. Machane mangfan ni be yog e babyor nib thothup ni en ni Fak e Girdi’ e bo’or e gafgow ni bay tay ma bay ndarifannag?

Mark 8:31

Ma aram me tabab Jesus i weliy ngak pi gachalpen ni ga’ar, “En ni Fak e Girdi’ e thangri ga’ ba gafgow ni nge tay, ma pi’in pi’ilal, nge pi tolang ko prist, nge pi tamchib ko Motochiyel e bay ra n’iged. Ma bay nli’ ngem’, ma bayi pag dalip e rran min faseg ko yam’.”

Luke 24:26

Gathi ri dabisiy ni nge gafgow fare Messiah ko pin’ey nge mu’ me yan ko fla’ab rok?”

Matthew 26:2

“Gimed manang faram ni ka l’agruw e rran me taw ko madnom ni Paluk’af, ma en ni Fak e Girdi’ e bay ni pi’ ngan richibiy ko kuruth.”

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

2 Timothy 2:12

Ma fa’anra ud k’adan’dad i yan, ma ku errogon ni gadad ra un ngak ko gagiyeg, ma fa’anra dogned nda da nanged ir, ma ku errogon ir nra yog nde nangdad.

John 10:18

Dariy be’ nra chuweg e pogofan rog. Ya gu ra pi’ ni gag e lanin’ug. Ya bay mat’wug ni gu ra pi’ e pogofan rog, ma bay mat’wug ni gu ra fulweg ngog. Ireray e n’en nike yog e Chitamag ngog ni nggu rin’.”

John 3:14

Rogon ni tay Moses fare porchoyog ni wasey nga taban ba ley i gek’iy nge suweg ngalang u daken e ted, e ku aram rogon nthingar nsuweg e en ni Fak e Girdi’ ngalang,

John 2:19

Me fulweg Jesus ngorad ni ga’ar, “Mbuthuged e re naun rok Got ney mu gu toy u lan dalip e rran nge m’ay.”

Luke 9:44

“Dab mpaged talin e n’en nggog ngomed! En ni Fak e Girdi’ e bay ni pi’ nga pa’ e pi girdi’ ni yad be yog e thin.”

Matthew 27:63

me lungurad, “Keb ngan’mad nnap’an ni kabfos fare talifith l’ugun me ga’ar, ‘Ra gaman dalip e rran mi ni fasegeg ko yam’.’

Mark 10:34

Ma bay ur moning niged, ma yad be thuw nga daken, ma yad be toy ko dimow, nge mu’ miyad li’ ngem’. Mra pag dalip e rran min faseg ko yam’.”