Mark 7:37 - Bible Ni Thothup

³⁷ Ma urngin e girdi’ nrung’aged e yigo’o ra gin gad ngay me lungurad, “Urngin ban’en ni be rin’ ma bfel’! Mus ko pi’in biling ma ke gol nagrad kar rung’aged ban’en, nge pi’in nib tagan e thin u l’ugunrad nike yal’uweg e thin u l’ugunrad!”

Mark 7:37 交叉參考

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Psalms 139:14

Gu be pining e sorok ngom, ya gur e ngan rus ngom; urngin e tin ga ma rin’ e dabiyag ni nge tamilangan’uy riy, ma rib fel’. Gu manang u lan ngorongoreg ni polo’.

Isaiah 29:18

Ra taw ko rofen nem, ma pi’in yad bbiling e yad ra rung’ag e tin yibe be’eg u babyor nib ga’ lunguy, ma pi’in ma’ew ni ur pired u fithik’ e lumor e ra mab owcharad ngar guyed ban’en.

Matthew 9:32

Nap’an ni yan fa gali mo’on, me fek boch e girdi’ be’ nib mo’on i yib ngak Jesus ndabiyag ni nge non ni bochan e ke ying ba mo’onyan’ ngak.

Mark 1:27

Mi yigo’o gin urngin e girdi’ ko n’en nike rin’ Jesus, miyad yog u fithik’rad ni lungurad, “Gur ren’ey e reb e machib nib be’ech? Cha’ney e bay mat’wun nrayag ni nge yog e n’en ni nge rin’ e mo’onyan’, miyad fol rok!”

Mark 2:12

Ngiyal’ nem ni yad be changar ngak ni yad gubin, me sak’iy fare mo’on me fek e wormel rok nge yan nib gurgur. Mi yigo’o ra gin gad ko n’en nike rin’ Jesus ngak fa’anem, mi yigo’o rogned e sorok ngak Got ni be lungurad, “Dawor da guyed ban’en ni aray rogon bi’id!”

Mark 4:41

Me ri gel e tamdag rorad, me lungurad rorad, “Mini’ e cha’ney? Ni mus ko nifeng nge n’ew ma be fol rok!”

Mark 5:42

Ka chingiyal’ nem me suwon ngi i yanyan. (Ya ri ragag nge l’agruw e duw yangren.) Ma fa’ani yodorom fachi pin mi yigo’o ra gin gad ngak nike balyangan’rad!

Mark 6:51

Me af ngorad nga bowoch, me mocha’ e nifeng. Me gin owchen pi gachalpen ko n’en ni kar guyed, miyad par ni kari balyangan’rad,

Mark 7:36

Me ri tay Jesus chiylen ngorad ni yad gubin ndab rogned ku be’ e n’en nike rin’; machane gelngin ni ta’chiylen ngorad, e aram gelngin ni ur weliyed i yan.

Mark 8:1

De yo’or e rran nga tomuren miki mu’ulung boch e girdi’ ni pire’ ni pire’. Ma nap’an ndakuriy ban’en ni yad ra kay, me pining Jesus pi gachalpen me ga’ar ngorad,

Luke 23:41

Machane gechig rodow e bmat’aw ni kan pi’ ngodow, ya ba’ tapgin ni ngan pi’ ngodow ni bochan e tin nib kireb ni kad rin’ew; me ir e dariy ban’en nib kireb nike rin’.”

Acts 14:11

Ma fa’ani guy fapi girdi’ ni aram urngirad e n’en nike rin’ Paul, miyad tabab ko tolul nthin rorad nu Lykaonia ni lungurad, “Pi kan e kar boded e girdi’ karbad ngodad nga but’!”