Mark 2:24 - Bible Ni Thothup

²⁴ Me ga’ar e pi Farise ngak Jesus, “A mu guy, rib togopluw ko Motochiyel rodad ni nge rin’ pi gachalpem e pin’en ni be’er ni yad be rin’ ko rofen ni Sabbath!”

Mark 2:24 交叉參考

Exodus 20:10

machane bin medlip e rran e rran ko toffan ni kan ognag ngog. Re rran nem e dariy be’ nra maruwel — ni gur, nge pifakam, nge pi sib rom, nge gamanman rom, ma ku arita’ e girdi’ nu bang nma par u lan e binaw romed.

Exodus 31:15

Nel’ e rran ni ngam muruwliyed e maruwel romed, ma rofen ni gaman e medlip ngay e yaran e toffan ni kug turguy kan ognag ngog. Ma en nra maruwel ko rofen ney e yira thang e fan rok.

Isaiah 56:2

Gu ra fal’eg wa’athan e pi’in yad ma tay fan e Sabbath ni darir m’ay niged fan. Bay gu fal’eg wa’athan e pi’in darir rin’ed ban’en nib kireb.”

Isaiah 56:4

I SOMOL e ga’ar ko mitnef e girdi’, “Fa’anra ga be liyor ngog ga be un i tay fan e Sabbath ma ga be rin’ e tin nib magan’ug ngay ma gab yul’yul’ ko fare m’ag rog,

Isaiah 56:6

Me ga’ar SOMOL ko pi girdi’ nu bang ni kar manged boch e girdi’ rok, nib t’uf rorad miyad ma pigpig ngak, ma yad ma tay fan e Sabbath miyad ba yul’yul’ ko fare m’ag rok:

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Matthew 12:2

Ma fa’ani guy e pi Farise e n’en ni yad be rin’, me lungurad ngak Jesus, “A mu guy, rib togopluw ko Motochiyel rodad ni nge rin’ pi gachalpem e pin’en ni be’er ni yad be rin’ ko rofen ni Sabbath!”

Mark 2:16

Ma nap’an ni guy e pi’in tamchib ko Motochiyel ni kuyad boch e Farise nike un Jesus ko abich nga fithik’ e pi’in ndabun e girdi’ nu lan binaw dakenrad nge pi’in yad ma kunuy e tax, ma aram me lungurad ngak pi gachalpen Jesus, “Mangfan nike un Jesus nga fithik’ e pi’in yad ma kunuy e tax nge pi’in ndabun e girdi’ nu lan binaw dakenrad ko abich?”

Mark 2:25

Me fulweg Jesus ngorad ni ga’ar, “Dawor mbe’eged murung’agen e n’en ni rin’ David ko ngiyal’ ni dariy e ggan rok me yib e bilig ngak nge pi’in yad be un ngak?

Mark 2:7

“Mangfan ni be non e cha’nem ni aram rogon nib togopluw ngak Got? Ya dariy be’ nrayag ni nge n’ag fan e denen; ya kemus ni Got e rayag rok!”

Hebrews 12:3

Mu tafinay niged gelngin e gafgow ni tay, nge rogon ni k’adan’, nge gelngin e fanenikan ni tay e pi’in ntadenen ngak! Ere dabi mulan’med ngam paged gimed.