Mark 2:2 - Bible Ni Thothup

² Me mu’ulung e girdi’ ni pire’ ndakuriy bang nra ni par ngay, ni mus nga langan e mab u wean. Me ere i machibnag Jesus e thin rok Got ngorad,

Mark 2:2 交叉參考

Psalms 40:9

SOMOL, kugog fare bugithin ni bfel’ ni murung’agem ni gur e mmat’aw nagmad ngom, ni kug weliy u lan e mu’ulung rok urngin e tirom e girdi’. Ga manang ndab gu tal i weliy.

Matthew 5:2

ma aram me tabab i machib nagrad ni be ga’ar:

Mark 1:14

Nga tomuren ni ka nin’ John nga kalbus, me yan Jesus nga Galile nge machibnag ngak e girdi’ e Thin Ni Bfel’ ni yib rok Got,

Mark 1:33

Me mu’ulung gathon fare binaw nga mit e naun u wean.

Mark 1:37

ma nap’an nra pir’eged me lungurad ngak, “Be gayem urngin e girdi’.”

Mark 1:45

Me yan ngi i weliy murung’agen i yan, ni aram tapgin ma dakiyag ni yan Jesus ngalan reb e binaw nga fithik’ e girdi’ ni yo’or. Mi i par Jesus ko yungi n’en ndariy e girdi’ riy, me mang girdi’ e ur bad ngak u gubin yang.

Mark 2:1

Me yan in e rran miki sul Jesus bayay nga Kapernaum, me wear thin nike sul nga tafen.

Mark 2:13

Me sul Jesus bayay nga to’oben e lipath nu Galile. Me mu’ulung e girdi’ ni pire’ ngak ngi i machib nagrad.

Mark 6:34

Ma nap’an ni chuw Jesus u bowoch nge yan nga daken e binaw, me guy e girdi’ ni pire’ ni pire’, me ri taganan’ ngorad, ya yad bod e saf nde moy e en nma gafaliyrad rorad. Ma aram me tabab i machibnag bo’or ban’en ngorad.

Luke 12:1

Nap’an ni mu’ulung yu biyu’ e girdi’ nga ta’bang ni be yit’ boch i yad boch i yad, ma som’on e ga’ar Jesus ngak e pi gachalpen, “Mu ayuweged gimed ko is rok e pi Farise — n’en ni gu be yip’ fan e dake moding ni yad be tay.

Luke 5:17

Me yan i reb e rran ni be machib Jesus, ma bay boch e Farise nge boch e tamchib ko Motochiyel ni kar pired u but’ u rom nrabad u urngin e binaw ni bay u lan yu Galile ngu Judea, nge binaw nu Jerusalem. Ma gelngin Somol e bay rok Jesus ni nge golnag e girdi’ nib m’ar.

Luke 8:1

Ma de n’uw nap’an me milekag Jesus i yan u lan e pi binaw ni ba ga’ nge pi binaw ni ba’achig, ni be machibnag ngak e girdi’ e Thin Ni Bfel’ ni murung’agen e gagiyeg rok Got. Me un fare ragag nge l’agruw i gachalpen ngak ngranod,

Luke 8:11

“Ba’aray fan fare fanathin: fapi awoch e aram e thin rok Got.

Acts 11:19

Pi’in nib mich Jesus u wun’rad e ra weargad ni bochan fare gafgow ntay ngorad ko fa ngiyal’nem nthang e fan rok Stefen riy. Boch i yad e yan nge mada’ nga Fonicia nge nga Cyprus, nge nga Antiok, ni kemus ni piyu Israel e yad be weliy murung’agen Jesus ngorad i yan.

Acts 14:25

Miyow machibnag e thin rok Got u lan yu Perga nge mu’ miyow yan nga Attalia,

Acts 16:6

Miyad milekag u lan yu Frygia nge yu Galatia; ya de pagrad fare Kan Nthothup ni ngar machibgad u lan e nug nu Asia.

Acts 8:25

Ma fa’anra mu’gow i pi’ e mich rorow u murung’agen e thin rok Got miyow machibnag e thin rok Somol, me sul Peter nge John nga Jerusalem. Ma nap’an ni yow be sul miyow machibnag ngak e girdi’ fare Thin Ni Bfel’ u lan bo’or e binaw i yan ni bay u lan yu Samaria.

Roma 10:8

Ya ba’aray e n’en ni be yog e babyor nib thothup: “Thin ni pi’ Got nge yib e ba chugur ngom, ni bay u daken dap’i l’ugunam ngu fithik’ i lanin’um” — ni aram fare thin ni murung’agen e mich u wun’uy ngak Kristus ni ir e gamad be machibnag.

2 Timothy 4:2

ni ngam machibnag e thin rok Got ko girdi’ ndemturug ko kari mab e kanawo’ ngom fa dawor; mu gguy rogon ni nge riyul’ u wun’rad, ma ga fal owcherad ko kireb ni yad be rin’, ma ga pi’ e athamgil nga lanin’rad, mu um fil e thin rok Got ngorad u fithik’ e gumaen’.