Mark 14:5 - Bible Ni Thothup

⁵ Ya rayag ni ngan pi’ ni chuway’ nge yib puluwon nib pag dalip mir’ay e salpiy ni waser nib silber riy mi ni wereg u pa’ e pi’in gafgow!” Miyad puwan’ ngak fare pin.

Mark 14:5 交叉參考

Psalms 106:25

Ra pired u lan e tent rorad ngu’ur gun’gun’gad ma dar motoyilgad ngak SOMOL.

Matthew 18:28

“Me yan fare mo’on nga wean me mada’nag reb e tapigpig ko fare masta rok ni bod ir, ni bay in e dollar ni malfith rok fa’anem ngak. Me thiy pa’ ngak nge dun’uf k’angan ni be ga’ar, ‘Mu fulweg ngog e salpiy ni mfek rog ni malfith!’

Matthew 20:11

Miyad fek e salpiy rorad miyad gun’gun’nag e en ni pi’ e maruwel ngorad ni yad be togopluw ngak,

Matthew 26:9

Fa’an mang e n’en ma kan pi’ e re florida nem ni chuway’ nib tolang puluwon mi ni fek e salpiy riy ngan wereg u pa’ e pi’in gafgow!”

Mark 14:4

Ma boch e girdi’ ni ur moyed u rom e ra damumuwgad, me lungurad rorad, “Mangfan ni kan adbey e re florida nem ni aram rogon?

Mark 14:6

Machane me ga’ar Jesus, “Mu digeyed e cha’nir! Mangfan ni gimed be kirebnag laniyan’? Ya n’en nike rin’ e cha’nir ngog e rib fel’.

Luke 15:2

Me tabab e pi Farise nge pi tamchib ko Motochiyel ko nonnon ni be lungurad, “Re mo’on ney e ba’adag daken e pi’in ndabuy dakenrad u lan binaw ni mus ko abich ni be un ngorad ngay!”

John 13:29

Bochan e Judas e mmil fan fare tutuw ntafen e salpiy ngak, ma aram me finey boch pi gachalpen Jesus nike yog Jesus ngak Judas ni nge yan i chuw’iy e tin ni nge yag ngorad ni fan ko fare madnom, ma fa’anra danga’ me ere keyog ngak ni nge pi’ ban’en ngak e pi’in gafgow.

John 6:43

Me fulweg Jesus ni ga’ar, “Mu talgad ko gun’gun’ u fithik’med.

John 6:7

Me fulweg Filip ni ga’ar, “Urngin e pi girdi’ ney ni fa’anra nge bagayad me kay bochu’uw, ma flowa ni yira chuw’iy e ra pag l’agruw mir’ay e salpiy ni wasey ni silber puluwon.”

1 Korinth 10:10

Ma thingar dab um gun’gun’gad ni bod e n’en ni i rin’ boch i yad — me li’rad fare engel, ni engel ko yam’ ngarm’ad.

Efesus 4:28

Cha’ ni be moro’ro’ e nge tal ko moro’ro’ nge tabab ko maruwel nge thognag e salpiy ni fan ko par rok, nge yag ni ayuweg e pi’in gafgow.

Deuteronomy 1:27

Um gun’gun’gad ngomed ni be lungumed: ‘Be fanenikaydad SOMOL. Ke fekdad nga wuru’ yu Egypt ni nge pi’ dad nga pa’ e pi’ Amorite, ya ngar li’ed gadad ngad m’ad.

Filippi 2:14

Um rin’ed urngin ban’en ndab um gun’gun’gad ara um tugthingad,

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.