Mark 10:35 - Bible Ni Thothup

³⁵ Me ere yib James nge John ngak Jesus, ni Zebede e chitamangirow, me lungurow ngak, “Tamchib, ba’aray ban’en ni gamow ba’adag ni ngam rin’ ngomow.”

Mark 10:35 交叉參考

1 Kings 2:16

Ma chiney e bay ta’ab n’en ni nggu ning; wenig ngom dab mu siyegneg.” Me fith Bathsheba ni ga’ar, “Ba mang?”

1 Kings 2:20

Me ga’ar Bathsheba, “Bay bochi maray rog ngom; wenig ngom dab mu siyegneg.” Me fith Solomon, ni ga’ar, “Chitinag, ba mang? Dab gu siyegem.”

Matthew 4:21

Me yan miki guy l’agruw i walag ni pumo’on ni aram James nge John, ni Zebede e chitamangirow, ni yow bay u bowoch ni yad e chitamangirow i Zebede, ni yow be fal’eg rogon e nug rorad ni ngan fita’ ngay. Me piningrow Jesus;

Mark 10:36

Me fith Jesus ngorow ni ga’ar, “Mang e gimew ba’adag ni nggu rin’ ngomew?”

Mark 14:33

Me fek Peter, nge James, nge John ngar uned ngak. Ma aram me yib e taganan’ nrib gel ngak Jesus, me thamiy ni gowa kan chuchuy nga but’,

Mark 5:37

Ma de pag Jesus be’ ni nge un ngak, kemus ni yigo’o Peter, nge James, nge walagen James ni John.

Mark 9:2

Ma nel’ e rran nga tomuren me fek Jesus Peter, nge James, nge John ngranod nga daken bburey nib tolang ni go’ yad. Ma nap’an ni yad be changar ngak me thil ya’an,