Malaki 2:3 - Bible Ni Thothup

³ Bay ggechig nag pifakmed mug gichiy owchemed nga fithik’ i t’ay e pi gamanman ni gimed ma maligach ngay, bay gu n’agmed nga fithik’ e tar.

Malaki 2:3 交叉參考

Nahum 3:6

Bay gu tem u fithik’ e faneynikan mug tharayem ko tin sonogor. Bay i lik’ath e girdi’ ngom u fithik’ e tamdag.

Malaki 2:9

Ere bay gu gagiyegnag nge dabuymed e girdi’ nu Israel, ya damur folgad ko tin lanin’ug, ma fa’an bay mmachib niged e girdi’ rog, ma damur ayuweged yad ni ta’ab rogon.”

Joel 1:17

Be yim’ awochngin e woldug u fithik’ e but’ nike mlik’. Ma dariy e grain ni ngan cha’riy, ere fapi naun ni tafen e grain ni dariy ban’en u langgin e ke kireb.

1 Kings 14:10

Bochan e ran’ey ma aram e bay gu girengiy e riya’ nga daken e gagiyeg ni be tay e tabnaw rom, ma bay gu thang owchen gubin e pumo’on ni owchem, ni ta’reb rogon e pi’in ni kayad bpagel nge pi’in ke pilbithir. Bay gu thirif e tabnaw rom u but’; ngar chuwgad ni bod t’ay e gamanman.

Exodus 29:14

Machane, ngam urfiy ufin fare garbaw, nge bayachen, nge gil’iggan u wuru’ e gin gimed be par riy. Biney e ba maligach ni nge chuweg e denen ko pi prist.

1 Korinth 4:13

ma yira yog e thin nib kireb ngomad ma gamad fulweg u fithik’ e thin nib munguy. Gamad e ta’reb rogomad ko chabung nu fayleng; gamad e fiyath u roy u fayleng ke mada’ ko re awa ney!

Luke 14:35

Ya dabi fel’ ni ngan tay ko but’ ara ngan athkuy ko n’en nma yong’olnag e but’; ya yira n’ag. Ere mu telmed ni fa’anra bay telmed!”

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Psalms 83:10

Gur e mu gel ngorad u Endor, ni mel e ldow rorad u daken e but’.

BABYOR NI JOB 20:7

machane bayi un ko nifeng bod e fiyath. Pi’in yad manang owchen e bay i balyangan’rad ko uw e ke yan ngay.

Levitikus 26:16

ma gu ra gechig nagmed. Gu ra pag e buch wa’athan nge yib ngomed, nge m’ar ndab mu golgad riy nge gowel u dakenmed nra malmit nagmed me ngochnag e yafos romed. Bay mu yunged e pi woldug romed, machane dabi yib fal’ngin ngomed, ni bochan e bayi gel e pi to’ogor romed ngomed miyad kay e pin’en ni kam yunged.

Deuteronomy 28:38

“Bay mu yunged e awoch ni pire’, machane ri buchuuw wom’ngin ni gimed ra t’ar, ni bochan e bayi languy e asmen’ing e woldug romed.

Psalms 47:5

Got e ke yan ngalang nga tagil’! Min tolulnag e felfelan’ me thow e rappa ni be yan SOMOL ngalang!

Joel 1:10

Dakuriy ban’en u daken e yung i milay’; kari kireban’ e but’, ya ke kireb e grain, ma ke l’ud e grape, ma ke mororoy e yu ke gek’iy ni olive.