Luke 7:8 - Bible Ni Thothup

⁸ Ya ku errogon gag ni kan tiyeg nga tan i pa’ boch i pilungen e salthaw, ma bay boch e salthaw nga tanginag. Ra lungug ko biney, Mman! me yan; mra lungug ko binem, Moy! me yib; mra lungug ko sib rog, Mu rin’ e biney! me rin’.”

Luke 7:8 交叉參考

Luke 7:7

ma ku dagur finey ni bay rogog ngabang ni ngad mada’gow. Ere yugu mog ni nge chuw e m’ar rok e tapigpig rog, nge gol.

Luke 7:9

Ri gin Jesus ko re bugithin ney ni rung’ag; me cheal u luwan nge yog ngak fapi girdi’ ni pire’ ni yad be un ngak ni ga’ar, “Dawor gu pir’eg be’ nrib mich Got u wan’ ni bod gelngin nib mich Got u wan’ e cha’nem, nggog ngomed, ni mus nga Israel ma dari’ riy!”

Acts 23:17

Me pining Paul reb fapi tolang ko salthaw me ga’ar ngak, “Mu fek e re pagel ney i yan ngak e en ni pilungen e salthaw; ya bay ban’en ni nge weliy ngak.”

Acts 23:23

Me pining fare pilungen e salthaw l’agruw ni’ ni yow ba tolang ko salthaw rok me ga’ar ngorow, “Mu fal’egew rogon l’agruw mir’ay e salthaw ni ngranod nga Cesarea, nge medlip i ragag e salthaw ni girdi’en e os nge l’agruw mir’ay girdi’en e mun sarey, mi gimed fal’eg rogomed nge mereb e kolok e neap’ ney mi gimed yan.

Acts 23:26

“Pi’ Klaudius Lysias ni nge yan ngak Felix ni Governor.

Acts 23:31

Me rin’ fapi salthaw e tin ni kanog ngorad. Miyad fek Paul i yan e re neap’ i n’em ngar mada’gad nga Antipatris.

Acts 24:23

Me yog ngak e cha’ ni ba’aram ni reb e tolang ko salthaw, ni ir e ke milfan Paul ngak ni ngu’un matanagiy Paul, machane ngu’un pag e pi tafager rok ngu’urbad ra pi’ed ngak e tin nge yag ngak.

Acts 25:26

Machane dariy ban’en nike muturug murung’agen nrayag ni gu tay nga babyor nggu pi’ nge yan ngak e en ni Emperor nu Roma. Ere kug fek e cha’ney i yib ngaray nga p’eowchemed — nri gur Agrippa ni Pilung e kug fek nga p’eowchem! — ni fan e nge yag ni gu tay ban’en nga babyor ni murung’agen u tomuren ni kan mu’ i gayiy tapgin e re pa’ i oloboch rok ney.

Kolose 3:22

Gimed e pi sib, um folgad ko thin rok e pi’in yad e suwrad gimed u gubin ban’en, ma gathi kemus ni ngiyal’ ni yad be guymed e ngu’um rin’ed riy ni bochan e kemus ni ngam fel’gad u wun’rad, machane ngam rin’ed u fithik’ e tafinay nib yul’yul’, ni bochan e gimed be liyor ngak Somol.