Luke 23:35 - Bible Ni Thothup

³⁵ Me sak’iy e girdi’ ko gin’em ngu’ur yaliyed, ma pi’in yad ma yog e thin rok piyu Israel e ur moninggad ngak ni be lungurad, “Ke ayuweg e pogofan rok boch e girdi’; ere bayi ayuweg e birok’ e pogofan, ni fa’anra ir fare Messiah ni Got e ke turguy!”

Luke 23:35 交叉參考

Psalms 22:17

Urngin e yil u dowag nike m’ug, pi to’ogor rog e yad be changar ngog ni kar lik’athgad.

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Psalms 4:2

Gimed e girdi’, bu uw n’umngin nap’an ni nga mogned e thin ni kireb ngog? Uw n’umngin nap’an ni nge t’uf romed e n’en ni dariy ban’en ni bfel’ ngay ma gimed be lek e n’en nde riyul’?

Psalms 69:26

Yad be gafgownag e pi’in kam gechignag; yad be weliy murung’agen e gafgow ni be tay e pi’in kam maad’ad ngorad.

Psalms 71:11

Yad be ga’ar, “Ke n’ag Got e cha’nir; are da leked ngad koled, ya dariy be’ nra ayuweg.”

Isaiah 42:1

Be ga’ar SOMOL, “Ba’aray e tapigpig rog ni ku gu pi’ gelngin, ni fa’anem ni gag e kug turguy ni ir e bfel’ u wun’ug. Ku gu suguy ko kan nthothup rog, bayi fek e tin nib yal’uw i yib ngak urngin e nam.

Isaiah 49:7

Got rok yu Israel nib thothup ni ir e ke biyuliyrad e be ga’ar ngak fa’anem nri yibe darifannag, ma be fanenikay e pi nam daken, me ir e tapigpig rok e pi pilung: “Pi pilung e bay ra guyed gur ndakuriy be’ ni ga bay u tan pa’ miyad yib ngar ted fam; ku er rogon e pi’in yad ma gagiyeg ni bay ra guyed miyad paraw nga but’ ngar ted fam.” Bayi yodoro’ ya SOMOL e ke mel’eg fare tapigpig rok; ma Got rok yu Israel nib thothup e ma tay e thin rok u gil’.

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Lamentations 3:14

I minmin e girdi’ nga ya’ag ni polo’ e rran; ni kug mang ba makak’ar ngorad ni yad gubin.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Matthew 12:18

“I ga’ar Got, ba’aray e tapigpig rog ni gag e kug turguy, ni en nib t’uf rog, nrib felan’ug ngak. Bay gu tay e Kan ni Thothup rog nga daken, ma bayi weliy ngak e girdi’ ni urngin murung’agen e pufthin ni gu ra tay ko girdi’.

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Luke 16:14

Me rung’ag e pi Farise urngin e pi thin ney, mu ur moninggad ngak Jesus, ya ba t’uf e salpiy rorad.

Luke 23:13

Me ulunguy Pilate e pi tolang ko prist nge pi’in yad be yog e thin ko girdi’, nge girdi’

Luke 23:39

Ma bagayow fa gali cha’ nra th’abew e motochiyel kan kuruth nagrow e yog e thin nib kireb ngak ni ga’ar, “Gathi gur fare Messiah? Ere mu ayuweg e birom e pogofan nge pogofan romow!”

1 Peter 2:4

Mired ngak Somol, ni ir fare malang nib fos ni n’ag e girdi’ ni lungurad e dariyfan, machane Got e turguy nri ba ga’ fan.