Luke 16:3 - Bible Ni Thothup

³ Me ga’ar fa’anem u wan’, ‘Ere nge chuwegeg e masta rog ko maruwel rog. Ere mang e nggu rin’? Ya gathi gag be’ ni gub gel nrayag ni ngu’ug fu’og wol’ e ran, ma gu be tamra’ ni ngu’ug man ban’en.

Luke 16:3 交叉參考

Ester 6:6

Ma aram me yib Haman nga naun, me ga’ar fare pilung ngak, “Ba’aray be’ nrug be athepeg ni ngan tayfan. Mang e thingar gu rin’ ko re mo’on ney?” Me leamnag Haman rok ni ga’ar, “Mog, mini’ e be finey e en pilung ni nge tayfan? Ri dariy be’, ya bmuduwgil ni gag.”

Proverbs 13:4

Demutrug feni t’uf ban’en rok be’ nib gamead ma dabiyag ngak. Ma en nib pasig mab gel ko maruwel e rayag ngak oren e tin ba’adag.

Proverbs 15:19

Fa’anra ga ba gamead, mra um mada’nag e momaw’ u gubin yang, machane fa’anra ga ba yul’yul’ ma dab mu oloboch.

Proverbs 18:9

En nib gamead e ta’reb feni kireb ko en nib mogothgoth.

Proverbs 19:15

Mu par ni arogon ni ga ba gamead; ngu’um mmol, machane ga ra yim’ ko bilig.

Proverbs 20:4

Ba girdi’en e woldug nike pi’loren ngak ni nge gi’ e but’ ko yungi flang rok u fangin e woldug e dariy ban’en nra t’ar wom’ngin.

Proverbs 29:21

Fa’anra um pi urngin e tin ba’adag e tapigpig rom u nap’an ni kabbitir i yib, mra reb e rran mra suwey urngin ban’en ni fanam.

Isaiah 10:3

Mang e gimed ra rin’ ko ngiyal’ ni nge gechig nagmed Got? Ma ba mang e gimed ra rin’ ko ngiyal’ nra girengiy e riya’ u reb e nam nga dakenmed? U uw e gimed ra mil ngay ni ngam pir’egged e ayuw riy? Ma uw e gin gimed ra mithag talinmed ngay?

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Hosea 9:5

Ma fa’an bayi taw ko madnom ni kan turguy ni ngan tayfan SOMOL, ma mang e yad ra rin’?

Matthew 20:8

“Ma fa’ani neap’ me yog fa en nsuwon fa gi grape ngak e en ni pilungen girdi’en e maruwel rok ni ga’ar, ‘Mpining fapi girdi’en e maruwel ngam pi’ puluwrad, ni ngam tabab ko pi’in nni pi’ e maruwel ngorad u tomur, ma ga yan mu thang ngak e pi’in yad e som’on nni pi’ e maruwel ngorad.’

Mark 10:46

Miyad yib nga Jeriko. Ma nap’an ni be n’en Jesus ni ngar chuwgad pi gachalpen nge ku boch e girdi’ ni pire’ ni pire’ ni yad be lekrad, ma bay be’ nib malmit ni Bartimeus fithingan, ni be’ nib mo’on ni fak Timeus, nike par nga but’ u to’oben e kanawo’ be man salpiy.

Luke 12:17

Me ga’ar u wan’, Dakuriy bang ni gu ra cha’riy urngin e ggan rog ngay. Ere mang e nggu rin’?

Luke 16:2

Me pining nga naun nge ga’ar ngak, ‘Uw rogon e tin ba’aray e thin ni kug rung’ag ni murung’agem? Mpi’ ngog babyoren e tirog ban’en ni ga be gagiyegnag, ya aram e dab kum par ni gur e ngu’um gagiyegnag.’

Luke 16:20

Ma ku bay be’ nib mo’on nib gafgow, ni Lazarus fithingan, nib sug e malad u dow, ni yima fek i yib nga langan e mab rok fare mo’on ni pire’ ban’en rok,

Luke 16:22

Me yim’ fare mo’on nib gafgow me yib e pi engel ra feked i yan nga baraba’ i to’oben Abraham ko mur u tharmiy; me yim’ fare mo’on ni pire’ ban’en rok min k’eyag.

Luke 16:4

Kug nang e n’en ni nggu rin’ e chiney! Ya nap’an ni nge mul e maruwel rog u pa’ag, ma bay e pi tafager rog ni yad ra fekeg nga tabinaw rorad.’

Luke 18:4

Ba n’uw nap’an ni par fare tapuf oloboch nde m’agan’ ngay ni nge rin’, machane me munmun me ga’ar u wan’, ‘Yugu aray rogon ndagur tamdag ngak Got ma dariyfan e girdi’ u wun’ug,

John 9:8

Ma pi’in yad bbuguliyoror nge pi’in ur guyed ni i man ban’en u m’on ko ngiyal’ney nike guy ban’en e ra fithed ni lungurad, “Gathi ireray fare mo’on ni i par u but’ ngi i man ban’en?”

Acts 3:2

Ma bay be’ nib mo’on nni gargeleg ma bmugutgut, nike par nga but’ ko re garog nem ni kan tunguy e “Garog ni Bfel’ Yaan” ngay. Gubin e rran ni yima fek i yib ko re garog nem nga nib ntay ngi i man salpiy ngak e girdi’ ni be yan ngalan e Tempel.

Acts 9:6

Mu sak’iy ngam man ngalan binaw, ya bay nog ngom u rom e n’en ni ir e thingar mu rin’.”

2 Thessalonika 3:11

Ku gogned e re bugithin ney ya kug rung’aged ni bay boch e girdi’ u fithik’med ni yad be par ni yad bmalmal ndarir uned nga reb e maruwel, ni pi’in ndariy ban’en ni yad be rin’, ma kemus ni yad be magawon ko maruwel rok boch e girdi’.