Luke 10:37 - Bible Ni Thothup

³⁷ Me fulweg fa en ni tamchib ko Motochiyel ni ga’ar, “Fa’anem ni runguy nge ayuweg.” Me fulweg Jesus ngak ni ga’ar, “Ere mman ma ga rin’ ni aram rogon.”

Luke 10:37 交叉參考

Proverbs 14:21

Fa’anra ga ba’adag ni ngam felfelan’ ma ngam gol ngak be’ ni dariy ban’en rok; ya ba denen ni ngam dabuy be’.

Hosea 6:6

T’ufeg ni gubin ngiyal’ e aram e n’en ni gu ba’adag, ma gathi gamanman romed ni maligach. Ku gu ba’adag ni nge nangeg e girdi’ rog ko bin ngu’un urfiy e maligach ngu’un pi’ ngog.

Mikah 6:8

Dangay, I SOMOL e keyog ngodad e n’en ni bfel’. Ba’aray e n’en ni be yog ni ngan rin’: mu rin’ed e n’en nib yal’uw, um pired nib t’uf Got romed nge girdi’, mu um folgad rok Got u fithik’ e sobut’an’.

Matthew 20:28

ni bod e en ni Fak e Girdi’ nde yib ni ngan pigpig ngak, machane yib ni nge pigpig me pi’ e pogofan rok nge biyuliy bo’or e girdi’ ngay.”

Matthew 23:23

“Kari mu gafgowgad e pi tamchib ko Motochiyel nge gimed e pi Farise! Ya gimed be dake moding niged gimed! Ra ban’en nragag guruy ma gimed be pi’ ta’ab guruy riy ngak Got ni mus ko pin’en nma fal’eg lamen e ggan ni aram e mint, nge dill, nge cummin, ma damur folgad ko tin rib ga’ fan ni be yog e Motochiyel, ni bod e mat’aw nge runguy nge yul’yul’. Bfel’ ni gimed ra pi’ ta’ab guruy u ragag guruy e tin ni bay romed, ma dab mpaged e tin nib mat’aw nge runguy nge yul’yul’.

Luke 10:36

Me ga’ar Jesus, “Ere mini’ e arorad e dalip i girdi’ nem e ga be finey ni ir e kemang e cha’ nib migid ngak fa’anem ni yib e moro’ro’ i pirdi’iy?”

Luke 10:38

Ma nap’an ni be yan Jesus nge pi gachalpen, me yib nga reb e binaw ni bay be’ ni bpin riy ni Martha fithingan, ni pining Jesus nga tafen nge ayuweg.

2 Korinth 8:9

Ya gimed manang rogon ni runguydad e Somol rodad i Jesus Kristus ni ba’aray rogon: aram rogon feni fla’ab, me pag ir nge gafgow ni fan ngomed, ni fan e nge yagnag e fla’ab ngomed u daken e gafgow nike tay.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

1 Peter 2:21

Ireray e ren’en ni ir e ke piningmed Got ngay; ya Kristus e ir e gafgow ni bochmed me dag ngomed rogon ni ngam folwokgad rok, ni aram e ngu’um leked luwan ay.

Revelation 1:5

mi Jesus Kristus ni fa’anem nib yul’yul’ ni i weliy murung’agen Got ngak e girdi’, ni ir e bin ni m’on i Fak Got, ma ku ir e som’on ni faseg Got ko yam’ ndab ki yim’, ni ku ir e be gagiyegnag urngin e pilung nu fayleng e ngi i ayuwegmed ma be pi’ e gapas nga lanin’med. Gadad ba t’uf rok ma ke pithigdad ko denen rodad u daken racha’en ni map’ u kuruth