Joshua 8:35 - Bible Ni Thothup

³⁵ Gubin yang ko fare motochiyel rok Moses me be’eg Joshua ngak gubin fapi girdi’ nu Israel ni kar mu’ulunggad, nib mu’un e ppin nge bitir nge girdi’ ni be par u fithik’rad ni girdi’ u bang ngay.

Joshua 8:35 交叉參考

Ezra 10:1

Ngiyal’ nib garbug Ezra ni be meybil u mit fare Tempel, ni be yor ma be weliy e pi denen ney, me yib ba ulung nib ga’ u Israel ni — pumo’on, ppin, nge bitir — ngarabad ra liyeged u but’, ni yad be yor nib gel.

Nehemiah 8:2

Me yan Ezra i fek i yib ko gin nike mu’ulung e girdi’ ngay, ni pumo’on nge ppin nge pi’in ni bitir ni yad ra rung’ag miyad nang fan.

Nehemiah 8:3

Me be’eg fapi motochiyel ngorad u rom u chuchugur ko fare garog, ni be’eg ngorad ni be puf e woch nge mada’ ko misiw’, ma yad gubin ni ur motoyilgad ngak ni kar uthumed telrad.

Exodus 12:38

Bo’or yugu boch e girdi’, ma bo’or e saf nge kaming nge garbaw niki un ngorad ngranod.

Jeremiah 26:2

me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Joel 2:16

Mu kunuyed e girdi’ nga ta’bang; mu fal’eged rogorad ni fan nga reb e muulung nib thothup; mu kunuyed e pilibthir; mu kunuyed e pi’in bitir, ma ku er rogon e bitir ni kabran. Mus ngak e pi’in kafini mabgol ni thingar ra chuwgad u lan e pi senggil rorad ngar uned ko wub.

Zekariah 8:23

U lan e pi rran nem e bayib ragag e girdi’ nu bang ra ga’argad ngak reb e Jew, ‘Gamad ba’adag ni nggu uned ko gin ngam man ngay, ni bochan e kug rung’aged ni bay Got rom.’”

Mark 10:14

Ma fa’ani nang Jesus ni aram rogon me ri dabuy, me yog ngak pi gachalpen ni ga’ar, “Mpaged e pi bitir nir ngarbad ngog! Dab mu taleged yad, ya gagiyeg rok Got e fan ngak e pi’in bod e pi bitir ney.

Acts 20:27

Ya da gu tal nda gog ngomed e tin ni kem’ay i leamnag rok Got ni fan ngomed.

Acts 21:5

Ma fa’ani taw nga nap’an ni nggu paged yad, ma gamad yan. Ma yad gubin, ni cheag e ppin rorad nge pifakrad ngorad ngar uned ngomad i yib nga wuru’ e re binaw nem. Ma gamad ragbug nga but’ u daken e yan’ u dap’el’ay ni gamad gubin nggu meybilgad.

Deuteronomy 29:10

“Daba’ e gimed be sak’iy u mit SOMOL ni Got romed, ni gimed gubin — nge pi tayugang’ nge pi ga’ ko salthaw, nge pi pumo’on,

Deuteronomy 29:11

nge ppin, nge pifakmed, nge pi girdi’ nu boch e nam ni yad be par u fithik’med, yad be masey l’ud ma yad be mal’ing ran romed.

Deuteronomy 29:9

Ere mu folgad ngu’um yulyul’gad ko gubin e thin ko re m’ag ney, ya nge urngin e tin ra um rin’ed mra aw ni bfel’.

Deuteronomy 31:12

Mu ulunguy urngin e pumo’on, nge ppin, nge bitir, nge melekag ni be par u lan e yochi binaw romed, ya nge gubin e girdi’ me rung’ag ngar filed rogon ni ngu’ur pired ma bay madgun SOMOL ni Got romed u wun’rad, nop’amed ni ngam folgad u gubin bugethin ko re motochiyel ney.

Deuteronomy 4:2

Dab mu puthuyed ban’en ko tin nggu taychilen ngomed ni ngu’um rin’ed, ma dab mu lufed ban’en riy. Ngu’um folgad ko thin rok SOMOL ni Got romed ni fa’an ku gu pi’ ngomed.