Joshua 6:22 - Bible Ni Thothup

²² Me ga’ar Joshua ngak fa gali pumo’on ni fa’an ranow ndamit, “Marow nga tafen fare pin nma chuway’ ngak, ngam nonow ngak nge girdi’ nu tabinaw rok ngarbad nga wean, ni bod rogon ni mmichegew ngak.”

Joshua 6:22 交叉參考

2 Samuel 21:2

Fapi girdi’ nu Gibeon e gathi yad piyu Israel; yad bochi ulung i girdi’ nu Amor nike micheg piyu Israel ni yad ra ayuwegrad, machane Saul e i guy rogon ni nge thirifrad u but’ ni bochan e ba’ ufan e girdi’ nu Israel ngu Judah u daken.)

2 Samuel 21:7

Machane bochan e michmich u fithingan Got ni tay David nge Jonathan, ma de pi’ David Mefibosheth ni be’ ni pumo’on ni fak Jonathan, ni Saul e tutuw rok.

Psalms 15:4

Ma dubrad daken e pi’in ke n’agrad Got, machane yad ma tayfan e pi’in yad ma fol rok SOMOL. Ma gubin ngiyal’ ni yad ma rin’ e n’en kar micheged ni ngar rin’ed, ndemturug ko mang e ra yib riy ngorad.

Ezekiel 17:13

Me fek be’ ko tabinaw rok fare pilung, nge fal’eg ba tha’ u thilrow me suruy nge mow ni be micheg ni ngi i par nib yul’yul’ ngak. Me fek boch e pumo’on ni kub ga’ e liw rorad ni kalbus

Ezekiel 17:16

Me ga’ar SOMOL ni Th’abi Tolang, “Bod feni bmich ni Gag Got ni gu be par ni gub fos. Ra yim’ e re pilung ney nu Judah u lan yu Babylon ni bochan e ke th’ab fare michmich nge fare tha’ nra m’agew e pilung nu Babylon, ir e tay ni nge mang pilung.

Hebrews 11:31

Rahab nma pi’ ir nchuway’, e michan’ rok ngak Got e tay Rahab nde un ngak e pi’in nli’rad ngarm’ad, ni pi’in nda ur folgad rok Got, ni fan e fek fa gali damit nga tafen nge ayuwegrow.

Joshua 6:17

Re binaw nem nge urngin ban’en ni bay riy e kan turguy ni ngan kirebnag ni nge mang ba maligach ngak SOMOL. Kemus ni fare pin i Rahab nma chuway’ ngak, nge girdi’en e tabinaw rok e dab ni bit’ ngorad, ni bochan e mithag fa gali mol’og rodad.

Joshua 6:23

Ma aram miyow yan ngar piningew Rahab ngeb nga wean, nike un e chitamngin ngak nge chitiningin, nge pi walagen ni pumo’on, nge tin kabay e girdi’ ni girdi’en e tabinaw rok. Min fekrad ni yad gubin, ni girdi’ nu tabinaw nge pi sib rorad, min ta’rad nga wuru’ e gin be par piyu Israel riy.

Joshua 9:15

Me fal’eg Joshua ba tha’ ni ngar tafgergad e girdi’ nu Gibeon ma ngan pagrad ni dab nli’rad. Pi’in yad ma yog e thin ko ulung nu Israel e ra dugliyed ni ngar ted e ra tha’ nem nib mich.

Judges 1:25

Ma aram me pow’iyrad, miyad li’ ko saydon e girdi’ ko fare binaw, kemus ni re pumo’on ney nge gathon e tabnaw rok e dar li’ed.