Joshua 4:14 - Bible Ni Thothup

¹⁴ N’en ni rin’ SOMOL e rofen nem e gagiyegnag piyu Israel ngar tedfan Joshua ni ir be’ nib ga’. Miyad tayfan u n’umngin nap’an e yafos rok, ni bod rogon ni ur tedfan Moses.

Joshua 4:14 交叉參考

1 Kings 3:28

Fa’ani rung’ag piyu Israel e tin ke duwgiliy Solomon, miyad par nike yib madgun u wun’rad, ya kar nanged ni Got e ke pi’ e gonop ngak ni nge pithig e oloboch nge yan i aw ni tin ke turguy e ba yal’uw.

2 Kings 2:15

Me guy fa wugem i profet nu Jeriko Elisa me lungurad, “Gelngin Got ni immoy rok Elijah e ke yag ngak Elisa.” Miyad yib ngak ngarbad ra parawgad nga but’ u p’eowchen,

1 Kronicles 29:25

Me tay SOMOL fare nam ni ga’ngin ni ka ra ngatgad ngak Solomon, me gilnag bugwan Solomon ni dariy reb e pilung nike gagiyeg u Israel nra ta’reb rogon ngak.

2 Kronicles 30:12

Ma ku errogon Got ni be maruwel u lan yu Judah me ta’rebnag laniyan’ e girdi’ nge yag nra dugliyed u wan’rad ni ngar folgad ko tin nib m’agan’ ngay ni aram e ngar folgad ko tin keyog fare pilung nge pi tolang ko salthaw rok.

Exodus 11:3

Me gagiyegnag SOMOL piyu Egypt ngar m’inggad nga tan yu Israel. Ya pi tolang nge girdi’ nu Egypt e ra ted Moses ni ir be’ nrib sorok.

Exodus 14:31

Ra guyed gelngin SOMOL nib gel ni ir e maruwel ngay nib togopluw ngak piyu Egypt, me yib madgun SOMOL u wan’ piyu Israel; mu ur pired nike pagan’rad ngak SOMOL nge tapigpig rok ni aram Moses.

Proverbs 24:21

Fakag, mu digow ngak SOMOL ma ga tayfan e pilung. Ma dab mu’un nga ban’en nma rin’ e pi’in nma togopluw ngorow;

Roma 13:4

Ya ir e tapigpig rok Got ni be maruwel ni fan ngom. Ma fa’anra mu rin’ e tin nib kireb, me ere mu tamdag ngak, ya ri bay gelngin nrayag ni nge gechig nigem. Ya ir e tapigpig rok Got nma gechignag e pi’in ke damumuw Got ngorad ni bochan e yad be rin’ e kireb.

1 Korinth 10:2

Re gi manileng nem nge re gi day nem e yad gubin ntawfe nagrad ngay, ni aram e kar manged girdi’en Moses.

Joshua 3:7

Me ga’ar SOMOL ngak Joshua, “N’en ni bay gu rin’ e daba’ e bayi gagiyegnag urngin e girdi’ nu Israel ngar ted fam ni bod rogon be’ nib sorok, ma bay ra nanged ni gu bay rom ni bod rogon Moses ni ug moy rok.

Joshua 4:13

U p’eowchen SOMOL e gonap’an 40,000 e pumo’on ni kar fal’eged rogorad ni fan ko mael e ra th’abed e lul’ nga baraba’ nga daken bangi tafelfel’ nib chugur nga Jeriko.

Joshua 4:15

Me ga’ar SOMOL ngak Joshua,

1 Samuel 12:18

Me meybil Samuel, ma karofen nem me pi’ SOMOL e dirra’ nge n’uw nge yib. Ma gubin e girdi’ nra tamdaggad ngak SOMOL nge Samuel,