Joshua 23:1 - Bible Ni Thothup

¹ Me n’uw nap’an nike tay SOMOL yu Israel ndariy ban’en ni ka be buch u thilrad e pi to’ogor rorad nib liyegrad. Ngiyal’ nem e kari pilbithir Joshua,

Joshua 23:1 交叉參考

Genesis 25:8

Ma aram me aw e fan rok ni aram yangren, minfek ngak pi girdi’en ni kakrom.

1 Kings 1:1

David ni Pilung e yan i par ni kari pilibthir, ni yira guluguluy, ma der chuw e ulum rok.

1 Kronicles 23:25

Me ga’ar David, “I SOMOL ni Got rok yu Israel e ke pi’ e gapas ngak e tirok e girdi’, me ir e bayi par u Jerusalem ndariy n’umngin nap’an.

1 Kronicles 27:1

Ba’aray babyoren pi lolgen e pi tabnaw nu Israel nge pi mitethin ko yuke girdi’ nge pi ga’ ni yad ma tay murung’agen e maruwel u lan gil’ilungun fare pilung. Ra reb e pul u reb e duw ma reb fare ulung ni rliw’ nge aningeg e bbiyu’ e pumo’on riy e ngar marwelgad u tan pa’ e en nib ga’ ko salthaw ko binem e pul.

2 Kronicles 14:1

Abijah ni Pilung e yim’ mi ni k’eyag u lan fapi low ko yam’ rok e pilung u lan fare Binaw rok David. Me Asa nib mo’on ni fak e yan nga luwan nge mang pilung, mu tan e gagiyeg rok Asa e i par fare nam riy u fithik’ e gapas ni ragag e duw.

2 Kronicles 14:5

Fan ni par fare nam u fithik’ e gapas u tan e gagiyeg rok Asa e bochan ni kirebnag fa yungi tagil’ e tayfan rok e pi’in dar nanged Got nge pi altar ko incense u lan e pi binaw nu Judah ni gubin.

2 Kronicles 20:30

ma aram me par Jehoshafat ni be gagiyeg u fithik’ e gapas, me yoror Got rok u gubin yang.

Psalms 46:9

Be taleg e pi mael ni yibe tay u fayleng i yan; be t’ar e gat’ing, ma be kirebnag epi sarey nge dilak, ma be urfiy e pi shield!

Isaiah 63:14

Rogon ni yima fek e garbaw ngalan ba loway nib yong’ol e but’ riy, e aram rogon ni pi’ SOMOL e toffan ngak e girdi’ rok. Aray rogon ni i fek e girdi’ rok i yan, mu’un tay fan fithingan.

Deuteronomy 31:2

ni ga’ar, “Chiney e ke gaman 120 e duw yangreg, ma dabkiyag rog ni nggu par ni gag e gu be yog e thin romed. Ma keyog SOMOL ngog ni dab gu un i th’ab e lul’ ni Jordan nga ba’nem.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

Joshua 13:1

Ma aram e kari pilbithir Joshua. Me ga’ar SOMOL ngak, “Kar mu pilbithir, machane kabay e binaw ni kab ga’yang ni ku yira kol

Joshua 21:44

Me pi’ SOMOL e gapas ngorad u lan fare nam ni ga’ngin, nri bod rogon ni micheg ngak e pi chitamangirad kakrom nra rin’. Dariy ta’reb u gubin fapi to’ogor rorad ni yag rok ni nge tagopluw ngorad, ni bochan e ke gel nagrad SOMOL ngak gubin e pi to’ogor rorad.

Joshua 22:4

Ere chiney e ke pi’ SOMOL ni Got romed e toffan ngak walagmed ni piyu Israel, ni bod rogon ni micheg. Ere mu sulod nga tafenmed ko fare but’ ni gimed be yog ni tafenmed, fare nam u ba’ ni ngek e Jordan, ni Moses ni tapigpig rok SOMOL e pi’ ngomed.

1 Samuel 12:2

Ere chiney e bay romed ni bay i pow’iymed. Mi gag e kug pilibthir ma ke manna’ chugeg, ma fa gal pumo’on ni fakag e yow bay romed. Ug par ni gag e gu be yog e thin rodad ni ku gub pagel ke mada’ ko chiney.