Joshua 15:7 - Bible Ni Thothup

⁷ me yan u rom ko Loway ni wagagey fithingan nga talang u Debir, ma aram me chiygog ko lel’och nge yan nga Gilgal, ni bay u puluwon fare Kanawo nu Adummim u ba’ ni yimuch ko fare loway. Meyib u rom ko fapi alublub nu Enshemesh me yan nga Enrogel,

Joshua 15:7 交叉參考

2 Samuel 17:17

Ma bay Jonathan nge Ahimaaz ko fare alublub ni Enrogel fithingan ni yow be son, ya daburow nrichey mi ni guyrow ni karanow ngalan binaw. Ba tapigpig ni be’ ni bpin e i yan ngi i weliy ngorow e pin’en ni yibe rin’, mi yow yan ngar weliyew ngak David ni Pilung.

1 Kings 1:9

Me reb e rran me fek Adonijah e saf, nge garbaw, nge pifak e garbaw nib sugsug nge pi’ ni maligach ko fare War ni Porchoyog fithingan, nib chugur ko fare alublub nu Enrogel, me pi’ e thin nge yan ngak e tin kabay e pumo’on ni fak David ni Pilung, nge ngak e pi tolang ni yad bay u tan pa’ David ni yad e girdi’ nu Judah ni ngarbad ko re madnom nem.

Isaiah 65:10

Bay ra maybilgad ngog miyad pow’iy e saf rorad nge garbaw ko gin ngar ked e pan riy u lan e tafelfel’ u Sharon u lan e ngal ngu lan ba loway u lan e ngek ni fithingan e Loway ko Oloboch.

Hosea 2:5

ma der tamra’ ni be pi’ ir ni chuway’. I ga’ar, “Bay ug lek pi’ilngeg, ni yad be pi’ ganag nge ran, nge bunu’en e saf nge mad ni wech, nge gapgep ko olive nge wayin rog.”

Joshua 10:43

Ma nga tomuren e ren’ey me sul Joshua nge fare raba’ i salthaw rok ko fa gin be par piyu Israel riy u Gilgal.

Joshua 15:15

Me yan u rom ni nge cham ngak fapi girdi’ ni be par u Debir. (Re binaw ney e unog fithingan ni Kiriath Sefer.)

Joshua 15:6

me sor u rom nga talang nge nga Beth Hoglah, me yib nge thilyeg yu Beth-arabah u ba’ ni lel’och. Ma aram me yan u rom ko fare Malang rok Bohan (I Bohan e be’ ni pumo’on ni fak Ruben),

Joshua 18:17

Aram me cheal nge yan ko lel’och nga Enshemesh me yan nga Geliloth, ni bay nga barba’ e kanawo’ nu Adummim pass. Me yan fare mathil u rom nga pe’ning ko fare Malang rok Bohan (Bohan e be’ nib mo’on ni fak Ruben)

Joshua 4:19

I th’ab piyu Israel e lul’ ni Jordan nga baraba’ ko rofen ni ragag ko bin m’on e pul, mrabad ra pired nga Gilgal, ni bay ko ngek u Jeriko.

Joshua 7:24

Me Joshua nge urngin e girdi’ nu Israel e ra koled Akan, nge fapi silber, nge fare wuru’ e mad, nge fare gi gol, nib muun pifak Akan ni pumo’on nge ppin ngay, nge garbaw nge gamanman ni dongki, nge saf, nge tent rok, nge urngin e chugum rok; mra feked urngin e pin’ey i yan ko fare Loway ko Wagagey fithingan.

Joshua 7:26

Mar ulunguyed ba to’lung i malang nga daken ni kabay e pi malang nem u’ rom e daba’. Aramfan ni ku yima yog fithingan e re gin’em ni Loway ko Wagagey. Ma aram me m’ay e damumuw rok SOMOL.