Joshua 13:31 - Bible Ni Thothup

³¹ Bmu’un baley yu Gilead ngay, ma ku arrogon yu Ashtaroth ngu Edrei, ni aram fa gal binaw ntochuch u lan e gin nma gagyegnag Og u Bashan. Ga’ngin yang e gin’ey nni pi’ ngak baley ko pi tabnaw ni pi’in owchen Makir nib mo’on ni fak Manasseh.

Joshua 13:31 交叉參考

1 Kronicles 6:71

Pi tabnaw ko fare ke girdi’ rok Gershon e ni pi’ e yochi binaw ni ba’aray ngorad, nib mu’un ngay e yungi binaw riy ntagil’ e chugol gamanman: U lan fa gin tafen e Ba’ ni Ngek e Manasseh: Golan u lan yu Bashan, ngu Ashtaroth.

Psalms 60:7

Gilead e bmilfan ngog, ma ku errogon yu Manasseh; Efraim e urwach rog, mu Judah e fare sog rog ko pilung.

Joshua 12:4

Ku ra gelgad ngak Og ni Pilung nu Bashan, ni ir reb e tin tomur ko pi Refaim ni magach; ni i gagiyegnag yu Ashtaroth nge yu Edrei.

Joshua 13:12

Bmu’un e gin ni gil’ilungun Og ni Pilung ngay, ni ir e en tomur ni magach ko pi Refaim, niki i gagiyegnag yu Ashtaroth ngu Edrei. I Moses e ke gel ngak e pi girdi’ ney ke tulufrad nga wuru’ e re gi but’ ney.

Joshua 13:32

Irera’ rogon ni f’oth Moses fare gi but’ ko ngek u Jeriko ngu Jordan nnap’an ni immoy Moses u daken fa yungi flang nu Moab.

Joshua 17:5

Irera’ e n’en ni rin’ me yag ragag e f’oth ngak Manasseh ngki puthuy nga Gilead nge Bashan u ba’ ni ngek e Jordan,

Joshua 17:6

ya pi’in owchen nib ppin nge pumo’on e go’ ni pi’ taferad binaw. Fare gi binaw nu Gilead e ni pi’ ngak e tin kabay ko pi’in owchen Manasseh.

Joshua 9:10

nge n’en nike rin’ ko fa gali Pilung nu Amor ko ngek u Jordan ni Sihon ni Pilung nu Heshbon nge Og ni Pilung nu Bashan, ni yow ma par u Ashtaroth.

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

Judges 5:17

Ganong rok Gad e par ko ngek u Jordan, ma ganong rok Dan e par u charen e pi barkow. Ma ganong rok Asher e par u dap’el’ay; ra mageygad u dap’el’ay.

1 Samuel 12:10

Ma aram miyad ning e ayuw ngalang ngak SOMOL ni be lungurad, ‘Kug denengad, ya kug pi’ed keru’mad ngom, i gur SOMOL, ma gamad be meybil ngak e liyos ni ya’an Baal nge Astarte. Mu chuwegmad u pa’ e pi to’ogor romad, ma gamad par ni gur e bay ug liyorgad ngom!’

1 Samuel 7:3

Me ga’ar Samuel ngak e girdi’ nu Israel, “Fa’an gimed ra sul ngak SOMOL u polo’ i lanin’med, ma thingar mu paged gubin e pi got rok yug boch e nam nge fapi liyos ni ya’an fare got ni Astarte fithingan. Mpi’ed gimed nib polo’ ngak SOMOL me par ni go ir e gimed be liyor ngak, ma aram e ra chuwegmed u tan pa’ e pi Filistine.”