Joshua 1:14 - Bible Ni Thothup

¹⁴ Pi le’engimed, nge pifakmed, nge gamanman romed e bay ra pired u roy, ma pi salthaw romed ni kar fal’eged rogorad ko mael e bay ra m’onod rok piyu Israel ni fan e ngar ayuwegedrad

Joshua 1:14 交叉參考

Exodus 13:18

Ma aram me fekrad ngar liyeggad u daken e ted ni desert i yan ko fa gi day ni Red Sea fithingan. Yu Israel e bay talin e cham rorad ni fan ko mael.

Numbers 32:26

Pi le’engimad nge pifakmad nge garbaw nge saf romad e kayad bay u roy u lan e pi binaw nu Gilead.

Deuteronomy 20:8

“Ma fapi tolang ko salthaw e ku yad ra ga’ar ngak fapi salthaw, ‘Bay be’ u roy nike waer lanyan’ kerus? Fa’anra bay, ma nge sul nga tafen. Ya fa’anra dangay, ma ku ra waernag laniyan’ e tin kabay e salthaw.’

Deuteronomy 3:19

Kemus ni pi le’engimed, pi fakmed, nge yu ran’ i gamanman romed — ya gumnang ni bo’or yu ran’ i gamanman romed — yad e ngar pired ko yochi binaw ney ni kug pi’ ngomed.

Deuteronomy 33:21

Gin th’abi fel’ ko nam e ra feked ngar tafned; f’oth rok e en nma yog e thin e ni pi’ ngorad. Ur folgad ko thin rok SOMOL nge pi motochiyel rok ko ngiyal’ ni mu’ulung e pi’in yad ma yog e thin rok yu Israel.”

Joshua 1:13

“Mu tafinay niged e tin ni yog Moses ni tapigpig rok SOMOL ngomed, ni SOMOL ni Got romed e bayi pi’ e re nam ney ni bay nga ba’ ni ngek e Jordan ni ngam tafned.

Joshua 1:15

ma nap’an ni bay ra koled e re nam nem nike pi’ SOMOL ni Got romed ngorad, ma aram e bay mu sulod ngam pired ko gi romed e binaw ni pi’ Moses ni tapigpig rok SOMOL ngomed ko gin’ey ni bay nga ba’ ni ngek e Jordan.”

Joshua 4:12

Pi pumo’on ko genong rok Ruben nge Gad, nge baley ko ganong rok Manasseh e ra m’onod rok e girdi’ ngar th’abed e lul’ nga baraba’, ni kar fal’eged rogorad ni fan ko mael, ni bod rogon nike yog Moses ngorad.

Revelation 17:4

Ma re pin nem e ke yin’ e mad nib ra’en purple nge scarlet ni bmit e row, ma kan nunuwnag ko gol, nge nochi malang nib tolang puluwon, nge churuwo’ ni yib u l’ugun e yar. Ma bay ba kap nib gol u pa’ nike kol, nib sug ko tin ni puwlag nge tin nib golong ban’en, ni aram wenegan e darngal rok.