John 10:8 - Bible Ni Thothup

⁸ Urngin e pi’in nrabad ni yad mm’on rog e yad e moro’ro’ nma mith, nge pi’in nma moro’ro’ u fithik’ e yargel, machane fapi saf e dar motoyilgad ngorad.

John 10:8 交叉參考

Jeremiah 23:1

Ba gel e gechig nra tay SOMOL ngak e pi’in yad be gagiyeg, ni yad e kar li’ed e girdi’ rok ma kar wereged yad i yan.

Ezekiel 34:2

I ga’ar, “Fak e girdi’, mup nga owchen e pi tagagiyeg nu Israel e kireb rorad. Mu yi’iy ngamog ngorad e n’en ni Gag SOMOL ni Th’abi Tolang e gu be yog ngorad: Kam riya’gad gimed e pi tagafal saf nu Israel! Gimed be ayuwegmed, machane damur ayuweged e saf.

Zefaniah 3:3

Pi tolang riy e bod bogi layon ni be tolul; pi’in tapuf oloboch riy e yad bod e pi wolves ni kar uyngolgad, ni kari gel farad cholchol ni mada’ nga balay i yil ma dab ra paged nge kadbul ngay.

Zekariah 11:16

Kug tay ba tagafal saf ni nge matanagiy fare ran’ i saf rog, machane der ma ayuweg e saf nike yib e riya’ ngorad; fe gaweg e tin kar maloggad, ara golnag e tin ke maad’ad, ara durwi’iy e tin ke magach nib fos. Me cheal ngi i kay ufin e tin nib sugsug e saf mi i popof bugli’ayrad.

John 10:1

“Nggog e tin riyul’ ngomed: en ni dabi yan u langan e mab nga fithik’ bran’ i saf, machane me yan nga fithik’rad u yugu bang u daken p’ebugul e yoror e be’ nib moro’ro’ fa be’ nma moro’ro’ u fithik’ e yargel.

John 10:27

Saf rog e yad ma rung’ag lungug, ma gum nangrad, ma yad ma lekeg.

John 10:5

Ma dab ra leked yugu be’; ya yad ra mil rok, ya dar nanged laman.”

Acts 5:36

Dawori n’uw nap’an ni yog Theudas ni ir be’ ni ba ga’; ma gonap’an e aningeg mir’ay e girdi’ ni un ngak. Machane min li’ ngem’ me wear urngin fapi girdi’ ni i un ngak, me math e tin ni i muruwliy.