Jeremiah 47:3 - Bible Ni Thothup

³ Bay ra rung’agned lingan ay e os, nge lingan e chariot, nge lingan e tiyapyap riy. Gallabthir e bay dab kur sulod ngak pifakrad; ma bayi ul pa’rad nga but’.

Jeremiah 47:3 交叉參考

Isaiah 5:28

Pi gan e gat’ing rorad e bm’uth, ma pi gat’ing rorad e ka ni fal’eg rogon ke par. Pi sus u ay e os rorad e bod feni el e pache’, ma pi chariot rorad e be cheal ni bod ba nanyor.

Jeremiah 46:9

Mu non ko pi’ os rom ni ngranod nge pi chariot ngar mithmithgad! Mu pi’ e salthaw rom ngranod: ni pumo’on nu Ethiopia ngu Libya, ni ngar feked e shield rorad nge pumo’on nu Lydia ni cheag ko mun gat’ing.’”

Jeremiah 50:42

Kar feked e gat’ing rorad nge saydon, yad bbuchan’ ni darir rungyed be’. Nap’an ni yad ra yan u daken e pi os rorad, ma ba lingan i n’ew. Kar fal’egned rogorad ni ngar maelgad nga Babylon.

Jeremiah 8:16

To’ogor rodad e ka ra tawgad ngalan e binaw nu Dan; gadad be rung’ag lingan e nifeng u peth’ngun e os rorad. Ga’ngin e binaw ni be t’on ko ngiyal’ ni be gogo’ e os rorad. Pi to’ogor rodad e karbad ni ngar gathayed tafadad nge gubin ban’en riy, nge binaw rodad nge girdi’ riy.”

Ezekiel 23:24

Bay ra chamgad ngom ko lel’och, ni kar feked barba’ i salthaw nib ga’ ni bay e chariot rorad nge wagon nma fek e chugum. Yad ra rungrung ko shield nge helmet ngarbad ron’ed gur nga longob. Ma bay gu pi’em nga pa’rad, ma bay ra pufthin niged gur u rogon e tirorad e motochiyel.

Nahum 2:4

Pi chariot rorad e be mil nib mus mirin u daken e yupa’ i kanawo’, ni yad be yan ngu’ur sulod nib math’ marin u lukngun e binaw. Be matmat ra’en e pi chariot nem ni gowa mol’ ni be gachgech u but’ ni gowa uluch.

Nahum 2:8

Gowa bangi ran ni puth e chabog riy e aram rogon e girdi’ nra milgad u Nineveh! Me yan lunguy ngalang ni yibe ga’ar, “Ngan tal! Ngan tal!” ma dariy be’ ni sul nga tomur.

Revelation 9:9

Ma daken ngorongorrad e kan upunguy nga yungi ban’en ni bod ya’an e wasey ni yima upunguy nga daken ngorongorey, ma lingan porad e bod lingan e karrow ni pire’ ni be girngiy e os i yan ko mael.

Judges 5:22

Ma aram me yib e pi os ni yad be tim’og, ni yad be rugoy ayrad nga but’.