Jeremiah 11:12 - Bible Ni Thothup

¹² Ma aram e girdi’ nu Judah ngu Jerusalem e bay ranod ko fapi got ni ur pi’ed e maligach ngorad miyad yornag e ayuw ngorad. Machane pi got nem e dabyag ni ngar aywegedrad u nap’an nra yib e riya’.

Jeremiah 11:12 交叉參考

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Isaiah 46:7

Miyad tay nga porad ngar feked; mranod ra ted nga tagil’ me par u rom, ndabiyag ni nge chuw u tagil’. Ra meybil be’ ngay, ma dabiyag ni nge fulweg taban e meybil rok, ara ayuwegrad ko gafgow.

Jeremiah 18:15

Girdi’ rog e chiney e ka ra paged talig; yad be urfiy e incense ngu’ur pi’ed ko pi got ni go’ bogi ban’en. Yad be dol’dol’ ko re pa’ i kanawo’ ni yad be yan riy, kar paged e yu pa’ i kanawo’ rorad ni kakrom; yad be yan u yu yang ni gathi kanawo’.

Jeremiah 2:28

“Bu uw fapi got ni mu ngongliyed ni fan ngomed? Fa’an bay mu gafgowgad, me ere mu nonod ngorad ngar ayuweged gimed — ni fa’an gomang e rayag rorad. Judah, pire’ e got rom ni bod feni yo’or e binaw ni bay rom.

Jeremiah 44:8

Mangfan ni gimed be k’aring e damumuw ngog ko tayfan ni gimed be tay ko pi liyos nge maligach ngak yug boch e got u roy u lan yu Egypt, ni aram e gin ni kambad mu pired ngay? Ri gimed be rin’ e ran’ey ni bochan e ngam kireb niged gimed, nge gubin e nam nu roy u fayleng mi i moning nagmed me par fithinganmed nike mang ba yaba’?

Deuteronomy 32:37

Ma aram e bayi fith SOMOL ngak e tirok e girdi’ ni nge ga’ar, ‘Bu uw fapi got ni i pagan’med ngorad?

Deuteronomy 32:38

Um duruw’iyed yad ko mam ko maligach romed, ma um pi’ed e wayin ni ngar unumed. Ere ngarbad ngar ayuweged gimed e chiney ngar milgad i yib ngar chuweged gimed u pa’ e to’ogor romed.

Judges 10:14

Mmarod ngu’um yorgad ngak e pi got ni kam mel’egged. Bayi mang yad e ur ayuweged gimed u nap’an ni keyib e gafow ngomed.”