James 3:17 - Bible Ni Thothup

¹⁷ Machane bin som’on e fare gonop ni yib u tharmiy e bmachalbog; ma ku errogon nma fal’eg thiliy nge aw e gapas riy, ma ma sumunguynigey, ma ma fal’eg owchey nge thin ngak e girdi’, ma ba sug ko runguy ma ma k’uf ni ngongol ni bfel’; ma ma ta’reb rogonnag e girdi’ u wun’uy ma der ma dake modingnigey.

James 3:17 交叉參考

1 Kings 3:12

ma aram e nggu pi’ ngom e tin kam wenignag ngog. Bay gu pi’ e gonop ngom nge tamilangan’ ndariy be’ nga m’on rom ni immoy rok ara be’ ni bay fini yib nga tomrem.

1 Kings 3:28

Fa’ani rung’ag piyu Israel e tin ke duwgiliy Solomon, miyad par nike yib madgun u wun’rad, ya kar nanged ni Got e ke pi’ e gonop ngak ni nge pithig e oloboch nge yan i aw ni tin ke turguy e ba yal’uw.

1 Kings 3:9

Ere mpi’ e gonop ni nge yag ngog ngu’ug gagiyegnag e girdi’ rom nrogon nib yal’uw ma ngug nang e n’en nib thil ko tin ni bfel’ nge tin nib kireb. Ya ra dariy e gonop rog ma uw rogon ni ngu’ug gagiyegnag e pi girdi’ rom ney ni aray feni yo’or?”

1 Kronicles 22:12

Ma mang e yigi pi’ SOMOL ni Got rom e tamilang nge gonop ngom nge yag ni mu gagiyegnag yu Israel nib mat’aw ko Motochiyel rok.

1 Kronicles 22:9

Machane ma aram me micheg e re bugithin ni ba’aray ngog. I ga’ar ngog, ‘Bay mu fakay ba pumo’on ni bayi gagiyeg u fithik’ e gapas, ya bay gu pi’ e gapas nga thilrad gubin e to’ogor rok. I Solomon fithingan, ya n’umngin nap’an ni ir e be gagiyeg e bay gu pi’ e gapas nga Israel mu gu yororiy pa’ag ngorad.

BABYOR NI JOB 28:12

Machane uw e yira pir’eg e gonop riy? Uw e gadad ra nangfan riy?

BABYOR NI JOB 28:23

Kemus ni go’ Got e manang e kanawo’ ngay, manang e gin ni yira pir’eg e gonop riy,

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Exodus 36:2

Me pining Moses i Bezalel, nge Oholiab, nge gubin fapi pumo’on nike pi’ SOMOL thawrad ma bmagan’rad ngay ni ngar ayuwgad, me yog Moses ngorad ni ngar tababgad ko maruwel.

Proverbs 2:6

I SOMOL e ma pi’ e gonop; ma ir e mayib e llowan’ rok nge tamilangan’.

Isaiah 2:4

Bayi gapaseg thilin e pi nam ni gang’. Bay ra ama niged e pi saydon rorad ngar ngongliyed talin e maruwel riy nma gi’ e but’ nge pi sarey rorad nge mang yar ni yima th’ab papa’ngin e woldug ngay. Pi nam e dab ku ra maelgad bayay, ma dab ku ra fal’eged rogorad bayay ni fan ko mael.

Isaiah 32:6

Be’ nib balyang e ma yog e thin ko balyang, mma leamnag e pin’en nib kireb ni nge rin’. N’en ma rin’ nge n’en ma yog e ba togopluw ngak SOMOL, ma dar ma pi’ e ggan ngak e girdi’ ndariy e ggan rorad ara pi’ e garbod ngak e girdi’ ndariy ban’en ni yad ra unum.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Daniel 1:17

Me pi’ Got e llowan’ ngak fa aningeg i pagel ngar salapgad i be’eg e babyor miyad nang fan e tin ni bay u babyor, miyad salap i gonopiy urngin mit ban’en. Me pi’ Got e gonop ngak Daniel nrayag ni nge weliy fan e tin nma piliyeg e changar ngu’un guy nge lik’ay.

Malaki 2:9

Ere bay gu gagiyegnag nge dabuymed e girdi’ nu Israel, ya damur folgad ko tin lanin’ug, ma fa’an bay mmachib niged e girdi’ rog, ma damur ayuweged yad ni ta’ab rogon.”

Malaki 3:3

Ra yib ni nge pufthin ni bod be’ ni nge chuweg chabungen me machalbog nag e silber. Bod be’ nma maruwel ko wasey nma chuweg chabungen e silber nge gol, e aram rogon fare tafek thin rok SOMOL nra machalbog nag e pi prist, ya nge yag nra feked i yib ngak SOMOL e tin nib mat’aw e maligach.

Matthew 23:28

Ere ku er rogomed ni gubin e girdi’ ma be guymed ni gimed bfel’ u wuru’ i dowmed, machane ba sug lanin’med ko lifith l’ugun nge denen.

Matthew 5:8

“Nge felan’ e pi’in nib machalbog lanin’rad, ya yad ra guy Got!

Matthew 5:9

“Nge felan’ e pi’in yad ma guyrogon ni nge aw e gapas u thilin e girdi’, ya ra yog Got ni yad pifak!

Luke 21:15

ya bay gu pi’ e thin ni nga mogned nge gonop romed ndariy reb e pi to’ogor romed nrayag rok ni nge togopluw ngay ara yog nde riyul’.

Luke 6:36

Ere um runguyed e girdi’, ni bod rogon e Chitamangimed nma runguy e girdi’.”

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Acts 11:24

Ma cha’nem i Barnabas e be’ ni bfel’ nib sug ko fare Kan Nthothup ma ba pagan’ ngak Jesus. Ma bo’or e girdi’ nra manged girdi’en Somol.

Acts 9:36

Ma bay be’ ni bpin u Joppa ni Tabitha fithingan, ni be’ nib mich Jesus u wan’. (Mi Dorkas fithingan ko thin ni Greek, ni fan e re ngachal nem e ba gamanman ni dir.) Ma par ni tin ni bfel’ e be rin’ ma be ayuweg e pi’in gafgow.

Roma 12:18

Mu rin’ed urngin e tin nrayag romed ngam pired ni ba aw e gapas u thilmed nge urngin e girdi’.

Roma 12:9

Rogon nib t’uf e girdi’ rodad e thangri yan i aw nib riyul’. Mu fanenikayed e tin nib kireb, mi gimed chichi’iy pa’med ko tin ni bfel’.

Roma 15:14

Pi walageg: rib mich u wun’ug nri gimed ba gol ma gimed ba llowan’, nrayag ni nge bigimed me fonownag bigimed.

1 Korinth 12:8

Kan Nthothup e bay n’en me pi’ gelngin be’ nge yag rok fa’anem ni nge fonownag e girdi’ u fithik’ e gonop, ma ku re Kan Nthothup nem e pi’ gelngin yugu be’ nge yag rok fa’anem ni nge tamilangnag fan e thin rok Got u wan’ e girdi’.

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

2 Korinth 6:6

U daken lanin’mad nib machalbog, nge tin nib tamilangan’mad riy, nge gumaen’, nge rogon ni gamad ba gol e kug daged gamad riy ni gamad e tapigpig rok Got; ngu daken fare Kan Nthothup, ngu daken rogon nriyul’ nib t’uf e girdi’ romad,

2 Korinth 7:11

Mu guyed e n’en ni rin’ Got ko re kireban’ romed nir: a mu guyed rogon e n’en nike rin’ ngomed kam tedan’med, nge rogon nri gimed ba’adag ni ngam daged e mich ri’ nda mu uned ko kireb! Nge rogon e puwan’ ni mu ted ni bochan e de rin’ be’ e tin nib mat’aw, nge rogon ni magafan’med, nge rogon e leam ni mu ted, nge fanmed yul’yul’, nge rogon ni mu fal’eged rogomed ni ngam gechigniged e en nike ngongliy e kireb! Ma kam daged nda mu uned ko re kireb nem.

2 Korinth 9:10

Mi Got nma pi’ e awoch ngak e cha’ nma wereg e awoch u milay’ nge ggan ni nge kay e ku bayi pi’ ngomed urngin e awoch ni nge yag ngomed me muruwliy nge tugul, nge yib wom’ngin ni pire’ ni nge yib ko gol ni mu ted.

Efesus 5:9

ya fare tamilang e bo’or wom’ngin urngin mit e fel’, nge mat’aw, nge tin riyul’ nma pi’.

Filippi 1:11

Me par pangimed nriyul’ ni bfel’, ni kemus ni go’ Jesus Kristus e rayag ni nge muruwliy u fithik’ i lanin’med me yagnag ngomed, ni fan e nge gilnag buguwan Got me yin’ e sorok ngak Got.

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

Kolose 1:10

Ma aram me yag ni um ngongolgad nrogon ni ba’adag Somol, mu um rin’ed e tin nib magan’ ngay ni gubin ngiyal’. Me yib wom’ngin i pangimed u fithik’ urngin mit e maruwel ni bfel’, ma gimed be nang rogon Got i yan nge tin ni ba’adag.

1 Thessalonika 2:7

ni yugu aram rogon ni bay mat’awmad ni nggogned ngomed e tin ngam rin’ed ngomad ni bochan e gamad e apostel rok Kristus. Machane u gu pired romed ni gamad bmunguy ni bod ba matin ngak pifak ni be ayuwegrad.

1 Timothy 5:21

Ri gu be non ngom u p’eowchen Got, nge Kristus Jesus, nge pi engel nib thothup ni ngam fol ko pi thin ney, ma urngin ban’en ni ga ra ngongliy ma dab mu dabuy daken be’ ara mu fol ngak be’.

2 Timothy 2:24

Ya tapigpig rok Somol e thangri dabi un ko tugthin. Thangri munguy ngak urngin e girdi’, ma nge par ni ir reb e tamchib ni bfel’ ma ba gumaen’,

Titus 1:15

Urngin ban’en ma bmachalbog u wan’ e pi’in yad rorad ma yad bmachalbog; machane dariy ban’en nib machalbog u wan’ e pi’in ba alit lanin’rad ma de mich Kristus u wun’rad, ya leam rorad nge lanin’rad e ke alit.

Titus 3:2

Mog ngorad ndab ra t’ared e thin nga daken be’, machane ngar pired ni bfel’ thilrad e girdi’ ma bfel’ owcherad nge thin rorad ngak e girdi’, ma gubin ngiyal’ ni ngar sumunguygad ngak urngin e girdi’.

Hebrews 12:11

Ma fa’an bayi gechig nagdad Got, ma gadad finey e ngiyal’ i n’em nre n’em nike yib ngodad e ban’en ni nge kireban’dad ngay, ma gathi nge felfelan’ nagdad. Machane fa’ani tomur riy, ma fa pi’in ni mit nem e gechig e ke yib mangin ngorad ni kar moding gad, e aram e ke yag pulwon ngorad, ni ke gapas lanin’rad ma ke yal’uw pangirad u mit Got.

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

James 2:13

Ya ngiyal’ nra pufthinnag Got e en nde runguy be’ e ku dabi runguy Got fa’anem; ya runguy e ra gel ko pufthin.

James 2:4

ma aram e ba kireb e romed ndamur ta’reb rogonniged e girdi’ ni gubin u wun’med, ma gimed be turguy ban’en u fithik’ e leam ni kireb.

James 3:15

Mit ney e gonop e gathi yib u tharmiy nga but’; ya gonop nib mil suwon ngaray nga fayleng, ma gathi fare Kan Nthothup e yib rok ya mo’onyan’ e yib rok.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

1 Peter 1:22

Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 Peter 2:1

Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!

1 Peter 2:18

Gimed e pi tapigpig e thingar mu folgad rok e pi masta romed mi gimed tay farad, ni gathi kemus ni pi arorad ni ba gol ma yad ma finey laniyan’ be’, machane ku er rogomed ngak e pi arorad nib kireb e thin rorad ngomed.

1 John 3:18

Pifakag! Rogon nib t’uf Got nge girdi’ rodad e dabi par ni kemus ni thin nge welthin; ya thingari yan i aw ni bin riyul’ rogon nib t’uf Got nge girdi’ rodad nma m’ug ko ngongol.

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.