James 1:11 - Bible Ni Thothup

¹¹ Ma fa’ani tolang e yal’ me yib gowelngin nib gel me mororey fare ke floras; me mul e floras riy, ma ya’an ni immoy ni bfel’ e ke kireb. Ere ku ireray rogon e cha’ ni pire’ ban’en rok ni bayi yim’ ko ngiyal’ ni ka be muruwliy e tirok’ riy.

James 1:11 交叉參考

2 Samuel 22:46

Ke mulan’rad, kar paged e yungi n’en nra yororiyed ni fan ko mael karbad ni yad be t’on ko marus.

Psalms 102:11

Yafos rog e bod e taglul’ ni ganowrug; Gu bod e pan nike mroroy.

Psalms 102:4

Kug parde’ nga but’ ni bod e pan nike mroroy; kug fangan’ ko ggan.

Psalms 103:15

Gadad e girdi’ nge n’umngin nap’an e yafos rodad e bod e pan, gadad ma ilal nge yan i mus nga fel’ngidad ni bod ba floras u fithik’ e pan.

Psalms 37:2

ya bayi math owcherad ni bod e pan ni mororoy; bay ram’ad ni bod rogon e woldug ni mororoy.

Psalms 39:6

ni bod fon ban’en ni pel u owchey. Gubin e n’en ni yima rin’ ma dariyfan; gadad be kunuy e machaf, machane dad nanged ko mini’ e ra fla’ab riy.

Psalms 90:6

nge ga’ kaen nge puf e floras riy, me blayal’ me m’ingkowon nge mororay.

Eklesiastes 5:15

Gadad ra pag e re fayleng ney ni ku bod ndabad nga langgin ni dariy ban’en rodad. Gubin e tin ni ud maruweliyed ma dariy reb riy nrayag nda feked nge un ngodad.

Isaiah 28:1

Nam nu Israel e kan turguy e gechig ni nge aw ngak! Fla’ab rok e be chuw ni bod yu kiy i te’eliyaw ni floras ni bay u lolugen e pi’in yad be yog e thin riy ni karm’ad ko rrum. Lolugrad nib uf e ka ni floridanag ni bfel’ rogon, machane kar thiggad nga but’ ni kar balyanggad ko rrum.

Isaiah 28:4

Fla’ab rok e pi’in yad be yog e thin ni yad ba uf e bayi m’ay ni bod e tin som’on i wom’ngin e fig ko ngiyal’ nma k’uf e fig riy, yugu ra lol min t’ar ngan unum.

Isaiah 49:10

ni dabki yib e bilig nge belel ngorad. Yal’ nge gowelngin e yal’ u lan e ted ni desert e dab ku ra gafgowgad riy, ya fa’anem ni yad bt’uf rok e bay i pow’iyrad. Bayi pow’iyrad nga bogi alublub.

Matthew 13:6

Nap’an ni yib e yal’ ngalang me mororoynag e pi woldug nem ni ka fini tugul, ma de n’uw nap’an me l’ud ya dawori to’ar lik’ngin e pi woldug nem nga fithik’ e but’.

Matthew 20:12

ni be lungurad, ‘Pi pumo’on ni ba’aray nni pi’ e maruwel ngorad u tomur e ta’reb e awa nra maruwelgad, ma gamad e polo’ e rran ni gu maruwelgad u tarama’en e yal’ nib gel — machane kam pi’ puluwrad nta’reb rogon nga puluwmad!’

Matthew 6:30

I Got e ir e be pi’ e mad ko pan — ni pan ni bay u roy e daba’, me gabul ma dakuriy, ya kan urfiy u lan e stof. Ere gathi bmuduwgil nra pi’ Got e mad ngomed? Rib achig e pagan’ romed ngak Got!

Mark 4:6

Ma nap’an ni tolang e yal’ me li’ fapi woldug ni ka fini tugul, ni bochan e de yan lik’ngirad nib to’ar nga fithik’ e but’, ma aram ma de n’uw nap’an me mororoy.

1 Korinth 7:31

pi’in yad be ngongliy e tin nu fayleng ban’en e ngar pired ni dabi mang ir e nge m’on u wun’rad. Ya re fayleng ney ni bod rogon e chiney ni bay e dabi par, ya bayi chuw.

1 Peter 1:4

ere gadad be son ni nge yag ngodad e fla’ab ni ba ga’ nike cha’riy Got ni fan ngak e tirok’ e girdi’, ni be cha’riy e pi tow’ath nem u tharmiy ni fan ngomed ko gin ndabiyag ni nge wod riy ara kireb fe kaday.

1 Peter 5:4

Ya nge yib i m’ug e Cha’ ni ir Pilungen e pi’in yad ma gafaliy e saf me yag ngomed fare te’eliyaw ko fla’ab ni dabi math ram’en bi’id.