Hosea 5:10 - Bible Ni Thothup

¹⁰ Be ga’ar SOMOL, “Kug damumuw ya pi’in yad ma yog e thin u Judah e kar iringed e binaw ntafen yu Israel, ere bay gu pu’og e gechig nga dakenrad ni bod e lul’ ni sugubur.

Hosea 5:10 交叉參考

Psalms 32:6

Ere urngin e girdi’ rom nib yul’yul’ ngom e thi’ngar ra meybilgad ngom ko ngiyal’ ni kari t’uf e ayuw rorad; ra yib e gafgow ni bod e ran nga daken e binaw nib machreg, ma dabi taw ngorad.

Psalms 69:24

Mu pu’og e damumuw rom nge dakenrad; damumuw rom nib gel e nge kolrad!

Psalms 88:17

Polo’ e rran ni yad ba liyegeg ni gowa ba sugbur; gubin raba’ i chireg ni karbad riy ngog.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

Proverbs 22:28

Dab mu gachgacheg e mathil ko binaw ni duwgiliy e girdi’ rom kakrom.

Isaiah 1:23

Pi’in yad be yog e thin rom e yad be togopluw ka ra manged tafager rok e pi moro’ro’; gubin ngiyal’ ni yad be fek e pi tow’ath nge puluwon e sasalap. Darir ayuweged e bitir ni kanim’ rorad u tafen e puf oloboch, ara rmotoyilgad ko oloboch rok e ppin nike yim’ figirngirad.

Ezekiel 22:22

Bay ra ranrangad u lan yu Jerusalem ni bod rogon e silber ni yima ranrannag u lan e gin yima tanfiynag riy, ma aram e bay ra nanged ni damumuw rok SOMOL e yad be thamiy.”

Ezekiel 7:8

“Dabki n’uw nap’an e chiney mi gimed thamiy ga’ngin gelngin e damumuw rog. Ni fan e kug gonpiy ni nge buch romed ni bochan e tin kam rin’ed, ma bay gu fulweg puluwon ngomed gubin ngongolmed ni sonogor.

Matthew 7:27

Me aw e n’uw, nge sugubur e lul’ nge yib nga daken e binaw, me yib e nifeng nib gel i aw ko fare naun me puth. Nrib ga’ lingan ni puth!”

Luke 6:49

Machane en ni rung’ag e thin rog ma de fol riy e bod be’ ni toy ba naun nga daken e but’ nde ngongliy e def riy; ma fa’ani sugubur e lul’ nge yib e ran nga daken e binaw nge yib ko fare naun me buthug ni ka chingiyal’ nem — me puth nrib ga’ lingan!”

Deuteronomy 19:14

“Dab mmithmitheged e mathil u thilmed e en ni gimed bbuguliyoror, ntay ni kab kakrom u lan fare nam ni SOMOL ni Got romed e nge pi’ ngomed.

Deuteronomy 27:17

“‘Nge bucheg Got wa’athan e en nra n’ag tagil’ e mathil rorow e en ni yow bbuguliyoror.’ “Me fulweg e girdi’ ni gubin ni lungurad, ‘Amen!’