Hosea 13:11 - Bible Ni Thothup

¹¹ Kug pi’ e pi pilung ngomed u fithik’ e damumuw rog, ma kug chuwegrad u fithik’ e damumuw nib gel.

Hosea 13:11 交叉參考

1 Samuel 10:19

I Gag e Got romed, I Gag e en gu chuwegmed u fithik’ gubin e gafgow nge tin nib mo’maw’ nma yib ngomed, ma chiney e kam pi’ed keru’med ngog ma kamogned ngog ni nggu pi’ be’ ngomed nge mang pilung romed. Ere kefel’, mmu’ulunggad nga p’eowcheg, nra reb e ganong ma nge par nga bang, ma ba kean e girdi’ me par nga bang.’”

Hosea 10:3

Pi girdi’ ney e dabki n’uw nap’an me lungurad, “Dariy e pilung rodad ni bochan e dariy madgun SOMOL u wan’dad. Ma susuna mang e rayag rok reb e pilung ni nge rin’ ngodad?”

Proverbs 28:2

Nap’an nra denen ba nam, me yo’or e pilung ni thilthil riy. Machane ba nam e ra gel nge par ni bfel rogon ni fa’anra bay e llowan’ riy, ma pi tayugang’ riy e ba sul lanyan’rad ngorad.

1 Samuel 16:1

Me ga’ar SOMOL ngak Samuel, “Uw n’umngin nap’an ni ngam par ni be kireban’um ngak Saul? Kug chuweg ko pilung ndab kimang pilung nu Israel. Mfek boch e gapgep ko olive, ya nggu l’ugem ngam man nga Bethlehem ngak be’ nib mo’on ni Jesse fithingan, ya kug turguy reb e pagel ni fak ni ir e nge mang pilung.”

1 Samuel 12:13

“Ere ba’aray fare pilung ni gimed e mogned ni nge yib ngomed; gimed e mu ninged, ere chiney e ke pi’ SOMOL ngomed.

Hosea 10:7

Fare pilung e bay ni fek nge chuw ni bod bochiyang i thibngin e ren u daken e ran.

1 Samuel 10:17

Me yog Samuel ni nge mu’ulung e girdi’ ngak SOMOL nga Mizpah;

1 Samuel 15:26

Me fulweg Samuel ni ga’ar, “Dab gu’un ngom ngdarow ya kam n’ag e tin ni yog SOMOL ngom ni ngam rin’, ma ke n’igem ni aram e dab kum mmang pilung nu Israel.”

Hosea 3:4

Fan e ren’ey e bayi par e girdi’ nu Israel nib n’uw nap’an ndariy e pilung rorad ara pi’in ni nga urogned e thin rorad, ma dariy e gamanman ni maligach ni yad be pi’ ngak Got, ma dariy e malang nib thothup ni kan suweg, ma dariy e liyos ara fon ban’en ni yima bey ngay.

Hosea 8:4

“Pi girdi’eg e yad be turguy ko mini’ e nge pilung, machane yad rorad e yad be yodrom. Yad ma turguy ko mini’ e nge mang mit e thin, machane darir paged ni nge mang gag e gog rogon. Yad be fek e silber nge gol rorad ngar ngongliyed e pi liyos ngay — ni riya’ e ra yib riy ngorad.

1 Samuel 12:1

Me ga’ar Samuel ngak e girdi’ nu Israel, “Kug rin’ e tin mogned ngog ni nggu rin’. Kug pi’ ba pilung ngomed ni ngi i gagiyeg nagmed.