Genesis 44:5 - Bible Ni Thothup

⁵ Mangfan ni kam iringed fare kap nib silber? Re kap ney e ma unum e masta rog ban’en riy, me ir e ma maruwel ngay nge yog e n’en ni bay yib i m’ug. Rib kireb e ren’ey ni kam ngongliyed!’”

Genesis 44:5 交叉參考

Genesis 30:27

Me fulweg Laban ni ga’ar, “Siro’ ngom, ba’aray ban’en ni nggog ngom: kug nang u rogon e tin kan thagthagnag ngog ni Got e ke fal’eg wa’athag ni bocham.

Genesis 44:15

me ga’ar Josef, “Mang e biney ni kam ngongliyed? Da mu nanged ni be’ ni bay ko re liw rog ney e rib mom ni nge nang e n’en ni bay mrin’ed?”

Genesis 44:6

Ma fa’ani taw fare tapigpig ngorad, me weliy ngorad e pi thin ney.

1 Kings 20:33

Fapi totolang ko salthaw rok Benhadad e yad be sapnag ba pow nib manigil, ma nap’an ni ga’ar Ahab “walageg,” miyad og ngay, nge lungurad, “Bod ni kamog, I Benhadad e walagem!” Me yog Ahab ni ga’ar, “Mu feked i yib ngog.” Nap’an ni taw Benhadad, me pining Ahab nge yib ngak ngalan e chariot.

2 Kings 21:6

Me maligachnag be’ nib pagel ni fak nib maligach ni mo’oruf. Mi i un i yi’iynag e n’en ni bayi buch me un ko pig nge pi sathuw, tmanwol, nge pi tapong thagith. I denen nrib gel nib togopluw ngak SOMOL me pug e damumuw rok.

Levitikus 19:26

“Dab mu koyed e ufin ni bay e racha’ u fithik’. Dariy mmit e pig nge bey ni ngam uned ngay.