Genesis 41:34 - Bible Ni Thothup

³⁴ Ma thingar kum turguy boch e girdi’ ngar maruwelgad u daken e nam, ni ngar kunuyed ta’ab guruy u lal guruy e ggan ni be yib ko woldug u lan fa medlip i duw ni pire’ e ggan riy.

Genesis 41:34 交叉參考

Genesis 41:33

“Ere chiney e thingar mu duwgiliy be’ nib mo’on ni ba llowan’ ma ba gonop ngam tay ni nge milfan yu Egypt ngak.

Genesis 41:35

Thingar ra kunuyed urngin e ggan u lan e pi duw ni ba’aram ni bfel’ ni bay yib. Ma thingar ra maruwelgad u tan e thin rom ngar kunuyed e grain ni nge mang ggan u lan e pi binaw i yan, miyad tay e matanag riy.

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Genesis 47:26

Ma aram me ngongliy Josef nib motochiyel ko nam nu Egypt ni woldug nike el e ngan t’ar mi ni guruynag ni lal guruy me par ni ba guruy riy e fen Farao. Ere re motochiyel ney e kabay gelngin e daba’. Kemus ni yungi binaw rok e pi prist e de tafnay Farao.

2 Kronicles 34:12

Pi pumo’on ni ur ngongliyed fare maruwel e ri yad ba yul’yul’. Aningeg e Levite ni aram i Jahath nge Obadiah ko fare ke girdi’ rok Merari, nge Zekariah nge Meshullam ko fare ke girdi’ rok Kohath e yad e uroged rogon e re maruwel ney ni nge yan ko pi pumo’on nem. (Gubin yu Levi ni go’yad ba salap ko musik.)

Nehemiah 11:9

I Joel nib mo’on ni fak Zikri e tagagiyeg rorad, me Judah nib mo’on ni fak Hassenuah e ir e migid ngak ko gagiyeg u lan fare binaw.

BABYOR NI JOB 5:20

ra yib e uyongol me tem ndab mum’, mra yib e mael me yoror rom nge dab mum’.

Psalms 33:19

Ma yororiyrad ko yam’; nge uyongol.

Proverbs 22:3

Girdi’ nib sul lanin’rad ngorad e yad ra guy e oloboch ni be yib miyad pilo’ riy, ma be’ ni der leam e ra yan nga fithik’, ma tomuren e ra kalngan’.

Proverbs 27:12

Girdi’ nib sul laniyan’ ngak e yad ra guy e oloboch ni be yib miyad pilo’ riy, ma be’ nib manan’ e ra yan nga fithik’ mfini kalngan’ riy ko tomur.

Numbers 31:14

Mri damumuw Moses ko fapi tolang ko salthaw

Luke 16:5

Me pining urngin e girdi’ ni kar ted e malfith ko masta rok ngarbad. En nsom’on e ga’ar ngak, ‘Uw urngin e malfith rom ngak e masta rog?’