Genesis 4:4 - Bible Ni Thothup

⁴ Me munmun me fek Abel e bin som’on i pifak e saf rok nge li’, me pi’ e yungin felel’ riy ni maligach. Me SOMOL e fel’ Abel nge maligach rok u wan’,

Genesis 4:4 交叉參考

Genesis 15:17

Ma fa’ani aw e yal’ nike nep’, me m’ug ba tafen e nifiy ni bod ya’an ba th’ib ni be yib e ath u langgin, me m’ug ba mol’ ni be daramram ni be yan u thilin fa yu raba’ i gamanman.

Genesis 4:3

Me munmun me fek Kain boch e tin kefel’ ko woldug rok me pi’ ni maligach ngak SOMOL.

1 Kings 18:24

Me meybil e pi profet rok Baal ngak, mu gu meybil ngak SOMOL, ma arorow nra pag e nifiy ngay, ni aram e ke fulweg taban e meybil, e ir Got.” Me tolul e girdi’ ni aram e kar pininged e kefel’ ngay.

1 Kings 18:38

Me pag SOMOL e nifiy u lang ko fare altar, me urfiy fare maligach, nge fapi l’ud, nge fapi malang, nge gowel e but’ me m’ay fapi ran u lan fare wol’ e ran nib liyeg fare altar.

1 Kronicles 21:26

Me ubung ba altar rok SOMOL u rom nge pi’ e maligach ni mo’oruf nge maligach nma gapaseg thilin Got nge girdi’ riy. Me meybil me fulweg SOMOL taban e meybil rok ko nifiy ni pi’ u lang nge urfiy fapi maligach u daken e altar.

2 Kronicles 7:1

Nap’an ni mu’ Solomon ni Pilung ko meybil, me yib e nifiy u tharmiy nga but’ nge urfiy fapi maligach ni kan pi’, me suguy maluplup’en SOMOL fare Tempel.

Psalms 20:3

Mang e yigi fanay gubin e maligach rom me fel’ u wan’ e maligach ni mo’oruf ni ka mu pi’.

Exodus 13:12

ma thingar mu pi’ed ngak SOMOL e bin nganni’ u fakmed ni pumo’on. Gubin e tin ba nganni’ u fak e gamanman romed ni pumo’on e bmil suwon ngak SOMOL,

Proverbs 3:9

Tin be yib ko woldug rom e ngam fek e tin th’abi fel’ riy ngam pi’ ngak SOMOL, ni aram e ga be tay fan.

Eklesiastes 4:4

Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Levitikus 9:24

Chingiy’al i n’em me pi’ SOMOL e nifiy nge yib, nge langbiy fare maligach ni mo’oruf nge fa yung i mam nu daken fare altar. Ma nap’an ni guy fapi girdi’ fare nifiy, miyad gubin nra tolulgad miyad an owcharad nga daken e but’.

Numbers 16:15

Mri damumuw Moses me ga’ar ngak SOMOL, “Dab kum fanay e pi maligach ni be pi’ e pi pumo’on ney ngom. Dawor gu bucheg ban’en rok bagyad; mus nga ta’ab dongki ma dawor gu fek rorad.”

Numbers 16:35

Me pi’ SOMOL ba nifiy ni be dramram nge urfiy fa 250 i pumo’on ni kar pi’ed e incense.

Numbers 18:12

“Go’ kug pi’ ngom urngin e tin th’abi fel ko gapgep ni olive, nge wayin, nge grain, nge tin som’on i wom’ngin e woldug ni pi’ yu Israel ngog.

Numbers 18:17

Ma tin nganni’ u fak e garbaw, nge saf, nge kaming e dab kun chuw’iyrad ngan fulwegrad; ke milfarad ngog ni yad gubin ngan maligach ngorad. Ngam atngiyed racha’en fapi gamanman ko altar mi ni orfeg e mam riy nib maligach ni ggan, rib fel’ u wun’ug galo’chngin.

Hebrews 11:4

Michan’ rok Abel ngak Got e ir e pow’iy Abel nge pi’ ngak Got e maligach ni kabfel’ ko maligach ni pi’ Kain. Michan’ rok Abel ngak Got e ir e fal’eg Abel u wan’ Got me matha’eg Got ngak Abel nike mang be’ nib mat’aw, ya bm’agan’ Got ko maligach ni i pi’ ngak Got. Yugu aram rogon nike yim’ Abel, machane michan’ rok ngak Got e ka be non.

Hebrews 9:22

Rriyul’, nrogon ko fare Motochiyel e oren ban’en e yibe be’echnag ko racha’; ma denen e be n’ag Got fan rok e girdi’ ni kemus ni fa’anra ni pu’og e racha’.

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.

Judges 6:21

Me ganam fare engel rok SOMOL nge mathnag taban e sog rok ni bay u pa’ ko fapi ufin nge fapi flowa. Me yib e nifiy u fithik’ fare war ngalang nge urfiy fapi ufin nge fapi flowa. Ma aram me m’ay fare engel ngabang.

1 Samuel 15:22

Me ga’ar Samuel, “Mang e ba’adag SOMOL? Fol fa tin ni ngan pi’ ngak ara maligach? Kabfel’ ni ngan fol rok ko bin ni nga ni pi’ e bin th’abi fel’ e saf ngak ni maligach.