Genesis 32:11 - Bible Ni Thothup

¹¹ Wenig ngom, mu ayuwegneg rok Esau ni walageg. Kug rus ngak ya richey nge yib i li’mad ni gamad gubin, nib mu’un e ppin nge bitir ngay.

Genesis 32:11 交叉參考

Genesis 24:27

ni ga’ar, “SOMOL, ke sorom, i gur fare Got rok e masta rog i Abraham, i gur e ri gab yul’yul’ ya kam tay nga tagil’ e tin mog ngak e masta rog ni bay mu rin’. I SOMOL e ke pow’iyeg nga tafen fare mo’on ni walagen e masta rog.”

Genesis 27:41

Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”

Genesis 27:42

Machane me rung’ag Rebekah murung’agen e n’en ke tanomnag Esau, me l’oeg e thin nga ni yan ni pining Jakob nge yib me ga’ar ngak, “Mmotoyil ngog, i Esau ni walagem e ke leamnag ni nge fulweg ngom e kireb ni kam rin’ ngak ni nge thang e fan rom.

Genesis 32:3

Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

Genesis 32:7

Me par Jakob ni kari rus ma be wagagey laniyan’. Me ruw raba’nag e girdi’ ni yad be un ngak, ma ku er i tay e saf rok nge kaming, nge garbaw, nge kamel ngar pired ni yad ruw ulung.

Genesis 33:4

Me mil Esau i yib ngak, me yib i gumuchmuch ngak, me faray owchen. Mi yow l’agruw ni yow be yor.

2 Samuel 7:18

Me yan David ni Pilung ngalan fare tent u p’eowchen SOMOL, me yan i par nga but’ nge meybil ni be ga’ar, “SOMOL ni Th’abi Tolang, urngin e tin kam rin’ ni fan ngog e dariy rogog nga bang ni ngam rin’ ngog, ara ngam rin’ ngak e tabinaw rog.

Psalms 119:134

Mu ayuwegneg rok e pi’in yad be gafgow nigeg, nge yag ni gu folwok ko tin kamog ni ngan rin’.

Psalms 142:6

Mu telim ngog ni gu be ning e ayuw, ya kar gu bilig t’ay e gafgow! Mu ayuwegneg u pa’ e to’ogor rog; ya dabyag gelingrad rog.

Psalms 16:1

Got, mu yoror rog, i gur e pagan’ rog.

Psalms 25:20

Mu yoror rog ngam ayuweg e pogofan rog; mu teg ndab gu waer, ya ku gub ngom ni nggu naf nga tan pa’am.

Psalms 31:2

Mmotoyil ngog! Mu ayuwegneg e chiney! Mu mang manaf rog ngam ayuwegneg; mmang rungrung ngog ngam yororiyeg!

Psalms 43:1

Got, mu gagiyeg ngan nang ndawor gu bucheg ban’en, ma ga ayuwegneg u pa’ e pi’in nde mich Got u wun’rad; mu ayuwegneg rok e girdi’ ni yad ma lifith l’ugunrad ma yad ba kireb!

Proverbs 18:19

Mu ayuweg pibe’ rom ma yad ra ayuwegnem ni bod e yoror u bbinaw nib gel, machane fa’anra um tugthin ngorad, ma yad ra ning e mab rorad ngom.

Daniel 3:17

Fa’anra bay reb e got nrayag rok ni nge ayuwegmad u lan fare tafen e nifiy ni be daramram ma ra yan i aw ni Got romad, ni ir e gamad ma fol ko thin rok, me ir e bayi ayuwegmad u pa’am.

Hosea 10:14

ma bay yib e mael ko girdi’ romed, ma urngin e pi binaw ni kam yaroriyed nib tolang ni fan ko mael e bay ni kirebnag. Ra bod fa rofen ni thirif Shalman ni Pilung fare binaw ni Betharbel u fithik’ e mael. Matin nge bitir e ni pirdi’iyrad u but’ ngarm’ad.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

Deuteronomy 22:6

“Fa’an gra pirieg ba tafen e arche’ (way ko arche’) u l’ugun ba ke gek’iy, fa u but’ ni bay e chitinngin u daken ni be dili’iy, ara be par rok pifak ni kaf ni bilig, ma dab mu fek e chitingirad.

1 Samuel 12:10

Ma aram miyad ning e ayuw ngalang ngak SOMOL ni be lungurad, ‘Kug denengad, ya kug pi’ed keru’mad ngom, i gur SOMOL, ma gamad be meybil ngak e liyos ni ya’an Baal nge Astarte. Mu chuwegmad u pa’ e pi to’ogor romad, ma gamad par ni gur e bay ug liyorgad ngom!’

1 Samuel 24:15

I SOMOL e bayi pufthin, me duwgiliy ko mini’ e arodow nib kireb. Mang e yigi changar nga fithik’ e re pa’ i oloboch ney, me yoror rog, me ayuwegneg u pa’am.”