Genesis 29:3 - Bible Ni Thothup

³ Nap’an nra yib urngin e yu ran’ i saf nem ngaram, me yib e pi’in yad ma gafaliy e saf ra chuweged e re gaf i malang nem u langan e re luwed nem ngar pi’ed e ran ngorad. Miyad fulweg e re gaf i malang nem nga tagil’.”

Genesis 29:3 交叉參考

Genesis 29:2

Me guy ba luwed u daken e ted ni bay dalip ran’ i saf ni kar pired nga but’ u to’oben. Yu ran’ i saf nem e yibe pi’ e ran ngorad ko re luwed nem, ni bay ba malang ni ba ga’ ni ka ni upunguy ngay.

Genesis 29:4

Me fith Jakob ngorad ni ga’ar, “Pi tafager, u uw e kambad riy?” Me lungurad, “Kugbad u Haran.”

Genesis 29:8

Me lungurad, “Dabiyag ni gu dorgad, ya ra mu’ulung urngin e yu ran’ i saf ngara’ min chuweg e re gaf i malang ney; ma aram mfin gu pi’ed e ran ngorad.”

Exodus 2:17

Machane me yib e pi’in yad ma gafaliy e saf nge kaming ra tulufedyad. Me yan Moses i ayuweg fapi ppin, me pi’ e ran ngak e gamanman rorad.

Tang Ko Pitang 4:12

Athibon an’ug, ma male’ rog, e ba milay’ nib ling, ba milay’ ni ka ni rungrunguy, ba alublub ni go’ gag ngay;

Judges 5:11

Mu telmed! Girdi’ ni pire’ nike mada’ lamrad ngalang u to’oben e pi luwed ni yad be weliy murung’agen e gel ni tay SOMOL ko pi mael, ni pi mael ni gel piyu Israel riy! Me thelep e girdi’ rok SOMOL ko pi binaw rorad nga pe’ning.