Ma aram me yag ni ngam pired romad u roy ko binaw romad; me yag ni ngam mel’eged e gin ngam pired riy ni gimed ba’adag, mu um falchuway’gad nib puf rogmed me milsuwon bang e binaw ngomed.”
Mi gimed fek i yib ngog e en nth’abi bitir romed. Ma aram e gu ra nang ni gathi gimed bogi damit, ya gimed be yog e tin riyul’; ma aram mu gu pi’ ngomed walagmed, ngu’um pired nrayag ni ngkum chuway’gad u lan e re nam ney.’”
me gur e mmil fan yu Egypt ngom ni ga’ngin. Mu guy e gin nth’abi fel’ riy ngam ta’rad ngay. Rayag ni ngar pired u lan e nug nu Goshen, ma fa’anra bay boch e girdi’ u fithik’rad ni yad manang rogon i gafaliy e gamanman, ma ga pag fan e gamanman rog ngorad ngu’ur gafaliyed.”
Chiney, e nggu luf e chain u tungun pa’am nggu pagem. Fa’anra ga ba’adag ni ngam un ngog nga Babylon, ma rayag, ya gu ra aywegem. Machane fa’anra dabum, ma dab mu’un. Go’ ku bay gubin yang ni ga ra mel’eg, ma ga yan ko gin ga be finey.”
