Genesis 15:5 - Bible Ni Thothup

⁵ Me fek SOMOL Abram nga wean me ga’ar ngak, “Mu sap nga lanelang ngam the’eg e t’uf ni bay riy ni fa’an rayag rom, aram urngin e pi’in owchem ni bay yib.”

Genesis 15:5 交叉參考

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 13:16

Ma bay gu pi’ e pi’in owchem ni pire’ nib pire’, ndariy be’ nrayag rok ni the’egrad ni yad gubin, ni ta’reb rogon ko nge the’eg be’ urngin e fiyath ni bay u daken e fayleng.

Genesis 16:10

Miki ga’ar ngak Hagar, “Bay gu pi’ ngom owchem ni pire’ ni pire’ ndabiyag ni ngan the’egrad.

Genesis 17:2

Bay gu ngongliy e m’ag u thildow mu gu pi’ owchem nge yib ni pire’.”

Genesis 22:17

nggog ngom ni bay gu pi’ ngom e girdi’ ni owchem ni bod urngin e t’uf u lanelang ara urngin e yan’ ni bay u dap’el’ay. Pi’in owchem e bay ra gelgad ngak e pi’in bay ra maelgad ngorad.

Genesis 26:4

Bay gu yo’ornag e pi’in bayib ni owchem ni bod rogon e t’uf u lanelang, mug pi’ ngorad ga’ngin e gi but’ ney. Ma urngin e nam nu fayleng ni bay ra ninged ngog ninggu fal’eg wa’athrad ni bod ni kug fal’eg wa’athan e pi’in owchem.

Genesis 28:14

Pi’in owchem e bay ra boded urngin e fiyath nu fayleng. Ma bay ra ga’ niged e nam rorad i yan ko lel’och, nge yimuch, nge ngek, nge ngal, ma urngin e pi nam nu fayleng e bay i fel’ wa’athrad ni bocham nge bochan e pi’in owchem.

Genesis 32:13

Me par ko gin’em nge kadbul, ma ba’aray e pin’en ni mel’eg u fithik’ e tin bay rok ban’en ni nge pi’ ni tow’ath rok Esau ni walagen,

1 Kings 3:8

Ere kug par u fithik’ e girdi’ ni gur e mturguyrad ni ngar manged girdi’em, ni yad pire’ ndabiyag i the’egrad.

1 Kronicles 27:23

David ni Pilung e de the’eg e girdi’ nde gaman e reliw’ e duw rorad, ni bochan fare michmich rok SOMOL nra yo’ornag e girdi’ nu Israel nge bod oren e t’uf u lanelang.

Nehemiah 9:23

Ma ga yo’ornag pifakrad ni pumo’on ngar boded feni yo’or e t’uf u lanelang, ma ga ayuwegrad ngar gelgad ngranod ra pired ngalan fare nam ni mmicheg ngak pi chitamangirad ni kakrom ni bay mpi’ ngorad.

BABYOR NI JOB 35:5

Mu changar ngalan e lang! Mmuguy feni tolang e pi manileng!

Psalms 147:4

Ir e ke duwgiliy urngin e t’uf ma keyog fithingan reb nge reb.

Exodus 32:13

Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”

Isaiah 51:2

Mu leamnag e ga’ rom i Abraham, nge Sarah, ni yow e mub rorow. Ngiyal’ ni gu pining Abraham e dariy fak, machane mu gu tow’athnag nggu pi’ e bitir ngak; mu gu yo’ornag e pi’in owchen.

Jeremiah 33:22

Bay gu yo’ornag owchen David nge pi prist ni yib ko ganong rok Levi, ni aram e dabkiyag i the’egrad ni bod e t’uf u lanelang fa yan’ u dape’l’ay.”

Roma 4:18

Ngiyal’ ni yan i m’ug nsusun e dakuriy rogon ni nge pagan’ Abraham ko tin ni yog Got ngak, e aram e par Abraham ni kab mich Got u wan’ ma be pagan’ ko tin ke yog Got ngak, ma aram me yag ni mang “chitamngin bo’or e nem.” Nri bod rogon ni be yog e babyor nib thothup ni be ga’ar, “Pi’in bay rabad ni owchem e yad ra pire’ ngar boded urngin e t’uf u lanelang.”

Deuteronomy 1:10

I SOMOL ni Got romed e ke yo’or nagmed kam boded urngin e t’uf u lanelang.

Deuteronomy 10:22

Fa’ani yan e pi chitamangimed ni kakrom nga Egypt ma kemus ni yad medlip i ragag u gubin. Machane SOMOL ni Got romed e ke yo’or nagmed kam pire’gad ni bod feni yo’or e t’uf u lanelang.

Hebrews 11:12

Yugu aram rogon ndabkiyag ni nge fakay e bitir ni fan e ke pilibthir, machane ireray e re mo’on ni yib owchey ni pire’ ni bod rogon feni yo’or e t’uf u lanelang, ni bod feni yo’or e yan’ ni da nnang urngin.

Joshua 24:3

Gu fek e ga’ romed i Abraham u lan fare nam ni bay nga ba’nem e lul’ ni Eufrates mu gu pow’iy u lan e nam nu Kanaan ni ga’ngin. Mu gu pi’ ngak e pi’in owchen ni pire’. Gu pi’ Isak ngak,