Ester 6:1 - Bible Ni Thothup

¹ Re nep’ nem e deyag ni mol e en ni pilung, me yog ni ngan fek babyoren e re nam nem ngan be’eg ngak.

Ester 6:1 交叉參考

Genesis 22:14

Me tunguy Abraham fithingan e gin’em ni “SOMOL e ma pi’.” I mus ko daba’ nma ga’ar e girdi’, “Ma pi’ SOMOL u daken e burey rok.”

Ester 10:2

Urngin e pin’en ni i rin’ ngi i gilbugwan riy, nib mu’un ngay murung’agen Mordekai ni tolangnag e liw rok, e go’ kan yoloy ngalan Chepin e Pilung nu Persia ngu Media.

Ester 2:21

Ngiyal’ ni ba’aram ni immoy Mordekai u reb e liw u lan fare tafen e pilung, ma bay l’agruw e eunuch ni Bigthana nge Teresh ni ur matnagiyew langan e mab ni yan ngalan e pi senggil rok fare pilung, miyow damumuw ngak Xerxes ni Pilung miyow makathnag ni ngan thang e fan rok.

Ester 2:22

Me na’ab Mordekai ngay me yog ngak Queen Ester, ma aram me yog Ester ngak e an pilung e n’en nike na’ab Mordekai ngay.

Ester 2:23

Aram min gay marung’agen fare makath mi ni pir’eg nib riyul’, ma aram min uchuliy fa galicha’ ngar m’ow. Me yog fare pilung ni ngan yoloy e pin’ey ni buch ngalan babyoren e pi tayugang’ u tan gil’ilungun.

Ester 5:8

“Fa’anra ri gab gol i gur Pilung ni ngam pi’ ngog e n’en ni nggu maraynag, me’ere gu ba’adag ni ngkug piningem nge Haman gabul nga reb e mur ni bay gu fal’eg rogon ni fenmew. Ma aram e ngiyal’ ni bay gog ngom e n’en ni gu ba’adag.”

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Daniel 2:1

Nga l’agruw e duw nike pilung Nebukadnezzar, me lik’ay. Ma rib gel e magafan’ ni yib ngak ni bochan e re lik’ay nem ndakiyag ni nge mol.

Daniel 6:18

Me sul e en ni pilung nga tafen me par e re nep’ i n’em nde yag ni nge kay ban’en ara guy e tin ni yima paleg owchen ngay. Ma de mol.

Malaki 3:16

Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Roma 11:33

Rib ga’ e fla’ab rok Got! Ma rib to’ar e gonop rok nge llowan’ rok! Mini’ e rayag ni nge weliy rogon nma turguy Got ban’en? Mini’ e manang rogon kanawo’en nma maruwel?