Deuteronomy 4:12 - Bible Ni Thothup

¹² Ngu’um weliyed ngorad rogon ni par SOMOL u fithik’ e re nifiy nem nge welthin ngomed, nge rogon ni um rung’aged laman ni be non, machane damur guyed.

Deuteronomy 4:12 交叉參考

Exodus 19:9

Me ga’ar SOMOL ngak Moses, “Bay gub ngom u fithik’ e manileng nib dub’ag, nge rung’ag e girdi’ nu Israel lamag ni gu be non ngom mu ur pired ni gubin ngiyal’ nib riyul’ u wun’rad e tin bay u mog.” Me weliy Moses ngak e girdi’ e tin keyog SOMOL ngak.

Exodus 20:22

Me ga’ar SOMOL ngak Moses, mog ngak e girdi’ nu Israel ni nge lungum, “Kam guyed nga owchemed ni gag SOMOL e kug non ngomed u tharmiy.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Isaiah 40:3

Ba lam ni be non ni ba ga’ gaman e be ga’ar, “Mon’ed bpa’ i kanawo’ u daken e ted ni fan ngak SOMOL! Mu tamilang niged e wo’ u daken e ted ni fan ngak e Got rodad!

Isaiah 40:6

Be ga’ar ba lam ni ba ga’ gaman, “Mu wereg murung’agen!” Mu gu fith ni lungug, “Mang e nggu wereg murung’agen?” “Ngamog ni urngin e girdi’ e yad bod e pan; nder ma n’uw nap’rad ko floras nu daken e ted.

Numbers 12:8

Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”

Matthew 17:5

Ma nap’an ni be non me yib bangi manileng nib galgal ram’en nga dakenrad, me non ba lam u fithik’ fa gi manileng ni ga’ar, “Ireray Fakag nrib t’uf rog, ni kari felan’ug ngak — ere mu telmed ngak!”

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Matthew 3:3

I John e ireram fa’anem ni weliy Isaiah ni profet murung’agen ni fa’ani ga’ar: “Be tolul be’ u daken e ted ni be ga’ar: ‘Mu fal’eged rogon kanawo’en Somol, mu yal’uweged e kanawo’ ni ngeb riy!’ ”

Deuteronomy 10:4

Me yoloy SOMOL fa pi thin nga daken ni fa’ani yoloy nga daken fa gal yang ni som’on, ni aram fa Ragag i Motochiyel ni pi’ ngomed ko fa ngiyal’ ni i non u fithik’ e nifiy e rofen ni ba’aram nmu’ulunggad ko fare burey. Me pi’ SOMOL fa gal yang i malang ngog,

Deuteronomy 4:11

“Ngu’um weliyed ngorad rogon nim marod mu sak’iygad nga enggin e burey. Ma be gak’ fare burey ni be yan e daramram riy u fithik’ e ath nib dib’ag ma ba talumor nge yan i tun ngalang.

Deuteronomy 4:13

Me weliy ngomed e n’en nthingar um rin’ed mu’um ted u gil’ fare m’ag ni ngongliy u thilmed, ni aram e ngu’um folgad ko fa Ragag i Motochiyel, ni yoloy nga daken l’agruw yang i malang.

Deuteronomy 4:15

“Nap’an ni non SOMOL ngomed u fithik’ fare nifiy ko Burey ni Sinai, ma dam guyed fon be’, ere ngam kol ayuwgad ngam micheged

Deuteronomy 4:33

Gur bay girdi’en ba nam ni ka’ar rung’aged laman ba got ni be non u fithik’ e nifiy ngorad ni bod rogomed ma kayad be par ni yad bfos?

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Deuteronomy 5:22

“Irera’ e pi motochiyel ni pi’ SOMOL ngomed ni gimed gubin u nap’an nim mu’ulunggad ko fare burey. Nap’an ni non nib ga’ laman u fithik’ fare nifiy ngu fithik’ fa gi manileng nib dub’ag, ma irera’ e pi motochiyel ni pi’ ma dakriy boch ngabang. Ma aram me yoloy ni gubin nga daken l’agruw yang i malang nge pi’ ngog.

Deuteronomy 5:4

U rom u daken fare burey e non SOMOL ngomed riy u fithik’ e nifiy ni gimed bay u p’eowchen.

Deuteronomy 9:10

Ma aram me pi’ SOMOL ngog fa gal yang i malang nu daken e gal yang i malang nem e ri pa’ e yoloy ngay e tin ni yog ngomed u fithik’ fare nifiy ko fa rofen nem ni mmu’ulunggad ngaram ko fare burey.

Kolose 1:15

Kristus e ta’reb rogon ya’an ngak Got, ni Got ndanir guy. I ir e bin ni m’on i Fak, ni ir e ba tolang ngak urngin ban’en ni sunumiy Got.

Hebrews 12:19

lingan ba rappa, nge ba lam ni non. Ma fa’ani rung’ag e girdi’ e re lam nem ni non miyad wenig ni nge dab kur rung’aged bbug e thin,