Daniel 9:5 - Bible Ni Thothup

⁵ “Kug denen gad kug ngongliyed e kireb, ma kug ngongliyed e tin nde mat’aw. Kug paged e tin mog ngomad ni nggu rin’ed ma kug pi’ed keru’mad ko tin kam dag ngomad ni ir e bmat’aw.

Daniel 9:5 交叉參考

2 Kings 18:12

Samaria e waer ko mael ni bochan e da i fol e girdi’ nu Israel rok SOMOL ni Got rorad, ya ra th’abed fare m’ag ni ngongliy u thilrad, ma da ku ra folgad u urngin fapi motochiyel ni pi’ Moses ni tapigpig rok SOMOL. Da ur motoyilgad ngay ma da ur folgad riy.

2 Kings 21:15

Gu ra rin’ e pin’ey ngak e tirog e girdi’ ni bochan e kar denengad nib togopluw ngog kar puged e damumuw rog ni ka nap’an fa ngiyal’ ni chuw e pi chitamangirad u Egypt ke mada ko bin daba’ e rran.”

Ezra 9:6

Me lungug, “Got, kagum’ ko tamra’ ni nggu pug owcheg ngalang u p’eowchem. Ya denen romad e ke tolang nga lolugenmad; ke tun ko tharmiy.

Psalms 106:6

Kug denengad ni bod ni i rin’ e pi chitamangimad kakrom; ku’ug pired ni gamad ba kireb ma ba kireb e leam romad.

Psalms 119:102

Dawor gu pi’ keru’ug ko fonow rom, ya gur e tamchib rog.

Psalms 119:176

Gu be deraw ni bod ba saf nike malog; are moy ngam changar nigeg, i gag e tapigpig rom, ni bochan e dawor gu n’ag e motochiyel rom.

Psalms 18:21

Gu ma fol ko motochiyel rok SOMOL; dawor gu pi’ keru’ug ko Got rog.

Isaiah 53:6

Gadad gubin ni gadad bod e saf ni yan ngabang, ra bagadad me yan ko gin be leamnag. Me gagiyegnag SOMOL e gechig nge aw ngak, ni fare gechig ni gadad gubin ni bay tapgin ni nge aw ngodad.

Isaiah 59:13

Kug togopluwgad ngom, ku gu pi’ed keru’mad ngom, ma da gur leked gur. Gamad be gafgownag boch e girdi’ ku gu paloggad rom. Leam romad e go’ ban, thin romad e go’ malfith.

Isaiah 64:4

Dariy be’ ni ka’ e guy ara rung’ag murung’agen yu gu reb e Got ni bod gur, nma ngongliy e mitney e ngongol ni fan ngak e pi’in ni kar pired ni be l’agan’rad ngak.

Jeremiah 14:20

SOMOL, riyul’ ni ku gu ngongliyed e kireb; ma ku er rogon pi chitamangimad ni ur ngongliyed e kireb, ku gu ngongliyed e kireb nib togopluw ngom.

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 3:25

Thingar da thiggad nga but’ u fithik’ e tamra’ nge mang m’ayfan rodad e upnguydad. Gadad nge pi chitamangidad kakrom e gubin ngiyal’ ni u da denengad nib togopluw ngak SOMOL ni Got rodad, ni da ud folgad ko tin ni yog.”

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

Jeremiah 44:3

ni bochan e girdi’ riy e i rin’ e kireb nge k’aring e damumuw ngog. U ra pi’ed e maligach ngak yug boch e got mu’ur pigpig gad ko pi got ni dariy bagyad fa bigmed ara reb e pi chitamangimed ni i meybil ngorad.

Lamentations 1:18

“Machane SOMOL e ir e bmat’aw, ya gag e da ug fol rok. Mmotoyil gad ngog, gimed e girdi’ u gubin yang; mu guyed gag u fithik’ e amith rog. Pi’in pagel nge rugod rog e kan fek’rad nga bang ni yad ba kalbus.

Lamentations 1:20

“SOMOL, mu changar nga ga’ngin e gafgow rog, nge lanin’ug ni kari gafgow! Kari gafgow lanin’ug ni fan ko pi denen rog. Yi be thang e fan u lan e pi kanawo’; ma ku aritay lan e naun, pi naun ma bay e yam’ riy.

Lamentations 3:42

“Kug denen gad ma kug togopluwgad, me gur SOMOL, e dawor mu n’ag fan romad.

Ezekiel 5:6

Machane yu Jerusalem e i tagopluw ko tin gog ni ngan rin’, ngi i gagiyel nib gel e kireb rok ngak boch e nam, ni da i fol ni ba thil ko tin ba’aram e nam u to’oben i yan. Jerusalem e siyeg e tin u gog me digey e motochiyel rog nde tay u gil’.

Ezekiel 6:9

ni aram e yungin ni bay un kalbus nagrad riy. U rom e bay gub riy ngan’rad miyad nang ni gag e kug gechig nagrad ma kug m’aynag farad, ni bochan e dag mich u wan’rad kar pi’ed keru’rad ngog kar m’oneged e pi liyos u wan’rad ngog. Bay ra dabuyed yad ni bochan e kireb rorad nge tin ni de mat’aw ni karrin’ed.

Daniel 9:11

Urngin piyu Israel ni kar th’abed e pi motochiyel rom ma kar siyegned ni ngar motoyilgad ko tin ni kamog. Kug denen gad nib togopluw ngom ma kam girengiy nga dakenmad fapi buch wa’athan ni bay ni kan yoloy u lan e Motochiyel rok Moses, ni tapigpig rom.

Daniel 9:15

“Somol ni Got romad, mu dag gelngim ya mu fek e girdi’ rom nga wuru’ yu Egypt, ma gelngim e dawor ni pag talin. Kug denen gad; ma kug ngongliyed e kireb.

Daniel 9:9

I gur e ga ma runguy e girdi’ ma ga ma n’ag fan u wun’um e kireb rok e girdi’, yug aram rogon ni u gu togopluwgad ngom.

Hosea 1:2

Nap’an e som’on ni non SOMOL ngak piyu Israel u l’ugun Hosea, e ga’ar ngak Hosea, “Girdi’ ko re nam ney e dakurir yul’yul’gad ngog ya yad be meybil ngak yugu boch e got ma yad be tay farad. Ere mman ngam la’ay be’ ni bpin nma pi’ ir ni chuway’ nge diyennag e bitir ni fakam.”

Malaki 3:7

Gimed bod e pi chitamangimed ni kakrom, ya kam pi’ed keru’med ko pi motochiyel rog dakumur folgad riy. Mu chealgad ngam sulod ngog, mu gu cheal nggu sul ngomed. Machane gimed be fith ni be lungmed, ‘Mang e thingar gu rin’ed me yag ni ngug chealgad nggu sulod ngom?’

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.