Daniel 9:21 - Bible Ni Thothup

²¹ Nap’an ni gu be meybil, me Gabriel ni fa’anem ni ka’ag guy ko fa yanem ni pilyeg e changar rog, nike changeg i yib nga but’ ko gin gu bay riy. Ni aram e ngiyal’ ni yima pi’ e maligach ni blayal’.

Daniel 9:21 交叉參考

1 Kings 18:29

Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.

1 Kings 18:36

Fa’ani taw ko ngiyal’ ni yima pi’ e maligach riy ko mithig yal’, me yib Elijah ko fare altar nge meybil ni ga’ar, “SOMOL ni gur fare Got rok Abraham nge Isak nge Jakob, mmicheg e chiney ni gur fare Got rok yu Israel, me gag e tapigpig rom ma urngin e pin’ey e kug ngongliy ni bod ni kamog ngog.

Psalms 103:20

Gimed e pi engel ni bay gelngimed nib gel, ni gimed be fol ko tin keyog ni ngu’un rin’, ma gimed ma rung’ag e tin nma yog, mu pininged e sorok ngak SOMOL!

Psalms 104:4

Nifeng e ke mang pi tamol’og rom, ma uluch e ke mang tapigpig rom.

Psalms 141:2

Nge fel’ u wun’um e meybil rog ni bod e incense, nge pa’ag ni kug tining ngalang ni bod ba maligach ni blayal’.

Exodus 29:39

Reb e gali pifak e saf ney e ngam pi’ ni maligach ni kadbul ma reb e blayal’.

Isaiah 6:2

Ma bay bogi serafim ni bod ram’en e daramram ni ka ra liyeged, nra bagayad ma nel’ raba’ i pon. Ka ra upunguyed owcherad nga ruw raba’ i porad, ma ruw raba’ e ka ra upunguyed dowrad ngay, ma ruw raba’ e yad be chachangeg ngay.

Ezekiel 1:11

Ra bagayad ma ke k’iyag l’agruw raba’ i pon ke yan i math nga taban pon e bin migid ngak, ma gal raba’ i pon nike magey e ke upunguy downgin ngay.

Ezekiel 1:14

Ma pin’em nib fos e yad be yan nga m’on ma yad be sul nga tomur ni bod machregin e uluch ni be mat.

Ezekiel 14:14

Fa’an mang e i par fa dalip i pumo’on ni Noah, Danel, nge Job u rom, ma farad mat’aw e go’ yafos rorad e ra ayweg.” I SOMOL ni Th’abi Tolang e keyog e pi thin ney.

Daniel 10:10

Me koleg ba pa’ef nge chibiyeg nggu todong nga pa’ag nge bugug, ni ku gu be t’on.

Daniel 10:16

Ma aram e fare engel ni bod ya’an ba girdi’, e k’iyag pa’ nge math nga dap’il’ugunag. Mug ga’ar ngak, “Siro’, ran’ey nike pig e changar rog kug guy e ke me’waer nigeg ndabkiyag ni gu par ndab kug t’on.

Daniel 10:18

Me math ngog bayay, mu gu thamiy rog nike yib gelngig.

Daniel 8:16

Mu gu rung’ag laman ba girdi’ nike non u ba’nem e lul’ ni Ulai ni be ga’ar, “Gabriel, mu weliy fan ngak e cha’nir e tin ke guy.”

Daniel 8:18

Nap’an ni ka be non, mu gu par u rom u but’ nda kug nang ban’en. Me kol pa’ag nge sak’iy nigeg ngalang,

Matthew 27:46

Ma gonap’an e ke dalip e kolok me non Jesus nri ba ga’ laman ni be ga’ar, “ Eli, Eli, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Luke 1:19

Me fulweg fare engel ngak ni ga’ar, “I gag Gabriel, gu ma par u p’eowchen Got, ni ir e ke l’oegeg ni nggu non ngom ni nggu weliy e re bugithin ni bfel’ ney ngom.

Luke 1:26

Ma nga nel’ e pul Elisabeth ko diyen me l’oeg Got fare engel i Gabriel nga bbinaw ni bay u lan yu Galile, ni Nazareth fithingan.

Acts 10:3

Gonap’an e dalip e kolok ni mithig yal’ mi ni piliyeg e changar rok, nge guy ba engel rok Got nike yib nga naun nge yib i ga’ar ngak, “Kornelius!”

Acts 10:9

Me reb e rran riy, ni aram e kranod ni kar chugurgad i yan nga Joppa, me yan Peter nga daken e chigiy ko fare naun nike misiw’ ni fan e nge meybil.

Acts 12:7

Mi yigi yib ba engel rok Somol i sak’iy ngaram, me tamilang u lan fare kalbus. Me tay fare engel pa’ nga pon Peter nge rurug, nge pug me ga’ar ngak, “Mu gur nigem ngam sak’iy!” Ka chingiyal’ nem me mul fapi chen u pa’.

Acts 3:1

Reb e rran me yan Peter nge John nga Tempel ko dalip e kolok ni mathig yal’, ni aram ngal’an e meybil.

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

Hebrews 1:7

Ba’aray e n’en ni yog Got ni murung’agen e pi engel ni ga’ar: “Ngongliy Got e pi engel rok ni yad bod e nifeng, me ngongliy e pi tapigpig rok ni yad bod e daramram ko nifiy.”

Revelation 9:17

Min piliyeg e changar rog ngug guy e pi os nem nge girdi’ ni yad bay u daken; bay yungi wasey nike upunguy daken ngorongorrad nib row ni bod e nifiy, ma ba ra’en mak’ef ni bod e sapphire, ma bmaguchol ni bod e sulfur. Ma lolugen fapi os e bod lolugen e layon, ma be yib e nifiy, nge ath, nge sulfur u lan l’ugunrad.