Daniel 9:19 - Bible Ni Thothup

¹⁹ Somol, mu rung’ag e meybil romad. Somol, mu n’ag fan u wun’um e kireb romad. Somol, mu telim ngomad ma ga ngongol nge nang urngin e girdi’ ni gur e Got, dab mu sowath. Re binaw ney nge girdi’ riy e mmil suwon ngom.”

Daniel 9:19 交叉參考

2 Kronicles 6:21

Mu rung’ag e pi meybil rog nge pi meybil rok e pi girdi’ rom ni piyu Israel nap’an ni yad ra sap ko gin’ey ngar meybilgad. U lan tafnam u tharmiy e ngam mmotoyil ngomad riy ma ga n’agfan e denen romad.

2 Kronicles 6:39

ma aram ma ga motoyil ko pi meybil rorad. U tabnaw rom u tharmiy e ngam motoyil ngorad riy ma ga runguyrad ngam n’agfan u wun’um urngin e pi denen rok e girdi’ rom.

Isaiah 43:7

Yad e girdi’ rog, ma gu sunumiyrad ni ngar ted fag.”

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Jeremiah 14:9

Mangfan ni ka mu bod be’ nike gin ngomad, ni bod ba salthaw ni dakriy gelngin ni nge pi e ayuw? Rriyul’ SOMOL ni ga bay romad! Gamad e girdi’ rom; are dab mu n’agmad.’”

Jeremiah 25:29

Bay gu tababnag e maruwel rog u lan e birog e binaw ni nge gafgow. Yad be leamnag ma yad ra thay ko gechig? Danga’, yira gechig nagrad, ya aram e nggu pi’ e mael ngak gubin e girdi’ nu fayleng. I Gag SOMOL ni Gubin ma Rayag Rok e gu be non.

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Ezekiel 20:22

Machane da gu rin’, ni bochan e ra kirebnag fithngag u fithik’ e pi nam ni kar guyed ni gu fek yu Israel nga wuru’ yu Egypt.

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Ezekiel 36:22

“I Gag SOMOL ni Th’abi Tolang e ba’aray e thin rog ni ngam man mu weliy ngak yu Israel ni nge lungum: N’en ni bay gu rin’ e gathi bochmed yu Israel, ya bochan fithingag nib thothup, ni ir e um darifan niged u lan urngin e nam ni ummarod riy i yan.

Ezekiel 39:25

I SOMOL ni Th’abi Tolang e ga’ar, “Machane chiney e bay gu par ni bay e marnguy rog nga daken e pi’in owchen Jakob, ni fapi girdi’ nu Israel, ma bay gu gagiyegnag ngar fla’abgad bayay. Bay gu yororiy fithingag nib thothup.

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Amos 7:2

Mu gguy e pi asmen’ing nem nra longuyed urngin ban’en nib galunglung ni bay u daken e nam nge m’ay, me lungug, “SOMOL ni Th’abi Tolang, mu n’ag fan rok e girdi’ rom! Uw rogon ni ngar pired ni dab ram’ad? Ya ri yad ba’achig ma yad ba me’waer.”

Numbers 14:19

Wenig ngom, mu n’ag fan u wun’um e denen ko pi girdi’ ney ni bod rogon nrib t’uf e girdi’ rom ni der ma thil, ni bod rogon ni um n’ag fan u wun’um e denen rorad ni ka nap’an e ra chuwgad u Egypt ke mada’ ko chiney.”

Numbers 6:27

Aray rogon ni ngar yibiliyed piyu Israel nga fithingag, mu gu fal’eg wa’athrad.

Luke 11:8

Ere uw rogon? Nggog ngomed ni fa’anra dabi suwon nge pi’ e flowa ngom ni gimew fager, machane ra suwon nge pi’ urngin ban’en ngom ni kam ning ya da mu tamra’ ni mpar ngu’um wenig ngak.

Acts 15:17

Ma aram e urngin e tin ni kabay e girdi’ e bay ur gayed Somol, ni urngin e pi nam ni kug piningrad ni ngar manged girdi’eg.

Efesus 1:12

Ere gadad e pi’in gadad e som’on nike l’agan’dad ngak Kristus, e ngada pininged e sorok ngak Got nga feni malup’lup’!

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.