Daniel 8:3 - Bible Ni Thothup

³ mu gu pug owcheg ngalang mu gguy ba saf ni pumo’on ni l’agruw i gagey rok u rom u charen e lul’, reb e ba n’uw ma bbe’ech boch nga reb.

Daniel 8:3 交叉參考

1 Kronicles 21:16

Me guy David fare engel nib sak’iy u daken e nifeng nike kol e saydon rok nga pa’ nike fal’eg rogon ni nge gathay yu Jerusalem. Ma aram e David nge pi tayugang’ ni karon’ed e mad ni tutuw e go’ ra siro’gad nge math owcherad nga daken e but’.

Ezra 1:2

“Ba’aray e thin ni yog Cyrus ni Emperor nu Persia. I SOMOL, ni ir fare Got nu tharmiy, e ke teg ni gag e pilung ko fayleng ni ga’ngin, ma ke pi’ e maruwel rog ni ngug toy ba tempel ni fan ngak u Jerusalem ni bay u lan e nug nu Judah.

Ezra 4:5

Ma ku ra pi’ed puluwon e pi tolang ko am nu Persia ni ngar togopluwgad ko maruwel rorad. Irera’ e n’en ni ur rin’ed u n’umngin nap’an e gagiyeg rok Cyrus ni Emperor nge mada’ ko ngiyal’ nike yib i Emperor Darius.

Ester 1:3

Yan i man e dalip e duw ni i gagiyeg me pi’ ba madnom ni fen urngin e pi tayugang’ nge pi tolang ko am rok. Re madnom nem e immoy e pi tolang ko yu raba’ i salthaw nu Persia ngu Media riy, nge pi governor nge bogi pumo’on nib ga’ lungrad ko yungi nug nem.

Isaiah 13:17

I SOMOL e ga’ar, “Bay gu k’aring piyu Medes ni ngar maelgad nga Babylon. Dariy fan e silber u wan’rad ma dabi unan’rad ko gol.

Isaiah 21:2

Ke pilyeg e changar rog ku gguy ba gafgow nib ga’ nra be’ ma be yagnag be’ nge mathang pogofan ni yibe tay. Salthaw nu Elam, mu chamgad! Salthaw nu Media, mu thabey niged fapi binaw! Got e bayi museg e gafgow ni k’aring yu Babylon.

Isaiah 44:28

Ke lungug ngak Cyrus, ‘Gur e bay mu gagiyeg ni pa’ag; bay mu rin’ e n’en ni gu ba’adag ni ngam rin’: bay mog ni ngan fulweg yu Jerusalem nga rogon mi ni ubung e def ko Tempel.’”

Jeremiah 51:11

I SOMOL e sak’iynag e pi pilung nu Media, ni bochan e ke leamnag ni ngan kirebnag yu Babylon. Aram rogon nra sulweg puluwon e kireb ni kan tay ko Tempel rok. Pi tolang ko salthaw ni yad e yad be cham e rogned nra ga’argad, “Mu uthumed e pi gan e gat’ing romed! Migmed falfal’eg rogon e shield romed!

Daniel 10:5

Mu gu sap mu gguy be’ nib mo’on nike yin’ e mad nib wech ma bay bangi leed ni gol nrib fel’ u lukngun.

Daniel 2:39

Bay yib reb e pilung nga tomrem ngi i gagiyeg, ma gagiyeg ni bay i tay e dabiyag ni nge yan i taw nga rogon e gagiyeg ni um tay, nge mu’ me yib e bin dalip e pilung, ni gagiyeg rok e bod e wasey ni bronze, ni ir e bay i gagiyegnag e fayleng ni polo’.

Daniel 5:31

me yib Darius ni be’ u Media nge kol tafen e pilung nge mang ir e gagiyeg. Re ngiyal’ i n’em e nga nel’ i ragag nge l’agruw e duw yangren Darius.

Daniel 6:28

Ma Daniel e i par ni bfel’ rogon u nap’an ni Darius e pilung nge nap’an ni Cyrus ni be’ u Persia e pilung.

Daniel 7:5

Mu gguy e bin migid e gamanman ni bod ya’an ba gamanman ni bear nike sak’iy ko fa gal raba’ nem i ay ni bay nga tomur, ni bay dalip i yaw u l’ugun nike k’ad, ma bay ba lam ni be ga’ar ngak, “Mu longuy e ufin ngam fos.”

Daniel 8:2

Yiggu dada’ ma gu bay u lan fare binaw nu Susa ni kan yororiy u lan e nug nu Elam. Ni ku gu sak’iy u charen e lul’ ni Ulai,

Daniel 8:20

“Fare saf ni pumo’on ni kam guy ni l’agruw e gagey rok e be yip’ fan e nam nu Media ngu Persia.

Zekariah 1:18

U lan reb e changar rog ni pilyeg e gguy riy aningeg i gagey ko garbaw.

Zekariah 2:1

U bayay ni pilyeg e changar rog e gguy be’ nib mo’on ni bay ba gaf u pa’ ni yima foleg ban’en ngay.

Zekariah 5:1

Gu sap bayay, ma aram mug guy bang i babyor ni kan bachiy ni be changeg u fithik’ e nifeng.

Zekariah 5:5

Ma aram me yib i m’ug bayay fare engel me ga’ar, “Mu changar! Ke yib ban’en!”

Zekariah 5:9

Mug changar ngalang mug guy l’agruw i ppin ni yow be changag i yib ngog nib almarin porow ni bod pon e arche’ ni stork. Rabow ra chibiyew fare dug ngar changag nigew.

Zekariah 6:1

Yaney ni pilyeg e changar rog e gguy aningeg i chariot nike yib u thilin l’agruw i burey nib bronze.

Numbers 24:2

me guy piyu Israel ni kar n’ufed e Tent rorad nra reb e ganong ma ke par nga bang. Me gagiyegnag fare kan nthothup rok Got Balaam,

Joshua 5:13

Nap’an ni chugur Joshua nga Jeriko, ma yigi da’da’ nike guy be’ ni pumo’on nib sak’iy nga m’on rok, ni bay ba saydon u pa’. Me yan Joshua ngak nge fith ni ga’ar, “Gur reb e salthaw romad ara gur e to’ogor romad?”

Revelation 13:11

Ma aram mu gguy reb e gamanman nike yib ngalang u fithik’ e but’, ni bay e gagey rok nl’agruw ni bod e gagey rok ba pifak e saf, ma be non ni bod ba dragon.

Revelation 5:6

Ma aram mu gguy ba Fak e Saf nike sak’iy nga lukngun fa gin’en ntagil’ Got nike cholngobiy fa aningeg i n’em ni yad ba fos nge fa pi’in pi’ilal. Re Fak e Saf nem e gowa ka’an li’ kem’. Ma medlip e gagey ni bay u lolugen ma medlip lan mit, ni ireram fa medlip i kan rok Got nnol’oegrad nga gubin yang u fayleng.