Daniel 7:4 - Bible Ni Thothup

⁴ Bin som’on e bod ya’an ba layon ma bay pon ni bod ba arche’ ni eagle. Ma nap’an ni ku gu be changar, min pof pon. Min suwonnag fare gamanman nge sak’iy ni bod ba girdi’. Min pi’ laniyan’ e girdi’ ngak.

Daniel 7:4 交叉參考

2 Samuel 1:23

“Saul nge Jonathan e ri yow bfel’ ma yow ba t’uf; u ranow u ta’bang ko biney e tamilang, ma ku ra m’ow u ta’bang. Yow ba machreg ko arche’ ni eagle, ma yow ba gel ko layon!

BABYOR NI JOB 25:6

Me ere bu uw rogon be’, ni gowa ba fakl’ud, fa ba chachengeg? Mang fel’ngin e girdi’ u owchen Got?

Psalms 9:20

SOMOL, mu k’aring e morus ngorad; mu gagiyegnag ngar nanged ni yad e kemus ni girdi’.

Jeremiah 25:38

I SOMOL e ke pag e girdi’ rok ni bod ba layon ni chuw ko low rok. Angin e mael nge gelngin e damumuw rok SOMOL nib gel e ke pingeg fare nam ke par ni gowa bang i daken e ted ndear tugul ban’en riy.

Jeremiah 4:13

Amsap, pi to’ogor e karbad ni bod yungi manileng. Chariot rorad e bod e nanyor, ma pi os rorad e ba machrag ko arche’ ni eagle. Kad mu’gad! Riya’ gadad!

Jeremiah 4:7

Bod ba gamanman ni layon nike yib ko gin ma mith riy, ba tagathay e pi nam e ke yib nga wean. Ke yib ni nge gathay yu Judah. Pi binaw nu Judah e bayi par ni dakriy woton u but’, ma dakriy be’ nra par u lan fapi binaw.

Jeremiah 48:40

I SOMOL e micheg ni ba nam e bayi garpow u daken yu Moab ni bod ba eagle nike pithig pon,

Jeremiah 49:19

Bod ba layon ni yib u fithik’ e gerger u charen e lul’ ni Jordan ngalang ko gin nib galunglung nma abich e gamanman riy, amrogon ni bay gu tuluf e piyu Edom ngar milgad nib tomgin ngar chuwgad ko nam rorad. Re tolang ni gu ra mel’eg e ra gagiyegnag fare nam. Mini’ e rayag ni nge ta’reb rogon ngog? Mini’ e ra math’ magran rok ni nge togopluw ngog? Mini’ e re tagagiyeg nrayag rok ni nge paluwyeg?

Lamentations 4:19

Ra tulfed gamad nib pay ni bod e arche’ ni eagle nike ngalol u lang nga but’. U ra gayed gamad u fithik’ e yochi burey; mug gin gad ma kan kolmad u daken e ted.

Ezekiel 17:3

ngar nanged ko mang e gu be yog ngorad I Gag SOMOL ni Th’abi Tolang: Immoy ba arche ni eagle nib ga’ ni rib fel’ ya’an wulan ma gathi ba’achig pon, nma pithig nib ga’ radan. I changag nge yan ko burey nu Lebanon me t’ar tamaligin bake gek’iy ni cedar,

Ezekiel 28:2

Ni ga’ar, “Fak e girdi’, mog ko en ni be tay murung’agen yu Tyre, e n’en ni gu be yog ngak, I Gag, SOMOL ni Th’abi Tolang: Kam langlang ngalang ko ufanthin, ga be yog ni gur reb e got. Ga be yog ni gab got ni ka mu par nga tagl’im ni tagil’ e pilung, nib liyegem e day. Rayag ni ngu’um dake gab got, machane dangay, ya gab girdi’ gathi bod rogom ba got.

Ezekiel 28:9

Nap’an ni yad ra yib ni ngar li’ed gur, ma kag ra yog ni gur reb e got? Nap’an ni ga ra sabliy e pi’in ngar thanged e pogofan rom, ma gab girdi’ gathi gur reb e got.

Daniel 2:38

I tem ni gur e ngu’um gagiyegnag urngin e yungi n’en ni bay e girdi’ riy u fayleng nge urngin e pi gamanman nge arche’. I gur fare llug nni ngongliy ko gol.

Daniel 4:36

“Fa’ani sul lanin’ug ngog, min fulweg ngog e gagiyeg rog, nge tayfan, nge fanag pilung. Ma pi tafnow ni gamad ma puruy’ nge pi tolang ni yad bay u tan pa’ag e ra felfelan’gad ni kug sul, min fulweg ngog matwug ni pilung, nike gel e tayfan ni yibe tay ngog ko som’on.

Daniel 7:12

Ma tin ni kabay fapi gamanman e nchuweg gelngirad, min pagrad ngu’ur pired ni bay n’umngin nap’an ni kan turguy.

Daniel 7:5

Mu gguy e bin migid e gamanman ni bod ya’an ba gamanman ni bear nike sak’iy ko fa gal raba’ nem i ay ni bay nga tomur, ni bay dalip i yaw u l’ugun nike k’ad, ma bay ba lam ni be ga’ar ngak, “Mu longuy e ufin ngam fos.”

Matthew 24:28

“Re gin’en ni bay ba yam’ riy e ra mu’ulung e arche’ ngay ni yad ma longuy e yam’.

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.

Revelation 13:2

Re gamanman nem ni gguy e bod ya’an ba gamanman ni leopard, ni bay ay ni bod ay e gamanman ni bear, nge l’ugun ni bod l’ugun e layon. Me pi’ fare dragon gelngin ngak fare gamanman, nge tagil’, nge mat’awun ni ba ga’ lungun u puluwon e girdi’.