Daniel 6:4 - Bible Ni Thothup

⁴ Ma fa galicha’ ni yow ma guy e maruwel ko fapi tafanow nge pi governor ra guyed rogon ni ngar pir’eged ban’en ni thibngin Daniel u rogon ni be tay murung’agen ga’ngin e gin ma gagiyegnag fare pilung. Machane dar pir’eged thibngin ara ban’en nike kirebnag, ya ma par Daniel nib yul’yul’ ma der ngongliy ban’en nib oloboch ara ba kireb.

Daniel 6:4 交叉參考

Genesis 41:38

me ga’ar Farao ngorad, “U uw e gomanga gadad ra pir’eg reb e mo’on riy ni bod e cha’ney, ni bay gelngin Got rok?”

Genesis 43:18

Fa’an nni fekrad i yib ko naun rok Josef miyad tamdag, ya ra leam niged ni lungurad, “Ka ni fekdad i yib ngaray ni bochan fapi salpiy nni fulweg ngan tay ngalan e tutuw rodad ko som’on. Bay ra oggad ngodad ngan fekdad ngan ta’dad ni sib, mi ni fek e dongki rodad.”

Proverbs 29:27

Pi’in nib mat’aw e yad ba fananikay e pi’in kireb, ma pi’in kireb e yad ba fananikay e pi’in nib mat’aw.

Eklesiastes 4:4

Mu ku gu nang ko mangfan nma maruwel e girdi’ nib gel ni nge fel’ rograd: fan e be awan’rad ko tin bay rok e pi’in yad bbuguliyoror. Machane ba m’ayfan. Bod ni yibe lol’oeg e nifeng

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Jeremiah 18:23

Machane, SOMOL, gur e ga manang ni yad be makath nigeg ni ngar li’edgag nggum’. Dab mu n’ag fan u wun’um e kireb rorad; dab mu n’ag fan u wun’um e denen rorad. Mun’rad nga but’ mag gechig nagrad e ngiyal’ ni ga ba damumuw.”

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 29:7

Mmaruwelgad ni fan ko pi binaw ni ku gu pi’med ngay ni kalbus. Mmeybilgad ngog ni fan ngorad, ni bochan e fa’anra fel’ rograd ma ku ra fel’ rogmed.

Daniel 3:8

Me yib tapgin me fel’ rogon boch e girdi’ nu Babylon ni ngar adaw niged fapi Jew.

Daniel 5:12

Yugu ba thil nib salap, ma ba gonop, ma ba llowan’ u rogon nma weliy fan e lik’ay, nge rogon nma gay fan e salepow, nge rogon nma weliy fan e pin’en nib mith nda nnang; ere mpi’ e thin nge yan ngak e re mo’on nem i Daniel ni tunguy e en ni pilung Belteshazzar ngak ma gog ngak nge weliy fan e pin’ey ngom ni gubin.”

Daniel 6:22

Got e ke l’oeg e engel rok ke yib i m’ag l’ugun fapi layon ndabiyag ni ngar rin’ed ban’en ngog. Ke rin’ ni aray rogon ya manang ndawor gu bucheg ban’en, nge bochan e dawor gu rin’ e kireb ngom i gur pilung.”

Matthew 26:4

miyad puruy’nag rogon ni ngan kol Jesus ni dabi nang be’ ngan li’ ngem’.

Matthew 27:18

Ya kari nang ni kar pi’ed Jesus ngak ni bochan e ke awan’rad ngak.

Luke 20:20

Ma aram mu ur guyed rogon e ngiyal’ nrayag riy. Miyad pi’ puluwon boch e pumo’on ngranod ngak Jesus ni ngar fithed yu bugithin ngak ni susun e riyul’ ni yad ba’adag ni ngar nanged e fulweg riy, machane yad be guy rogon ni nge aw Jesus ko wup rorad ko thin ni ngar fithed ngak, ni fan e nge yag nra pi’ed Jesus nga pa’ e cha’ ni ir e am nu Roma ni bay mat’wun nge gelngin.

Luke 20:26

Ma aram e de yag ni nge aw ko wup rorad u rom u p’eowchen e girdi’, ma aram miyad par ni kar th’abed gulungrad, ma kar gin gad ko tin ke fulweg.

Luke 22:2

Pi tolang ko prist nge pi tamchib ko Motochiyel e ur guyed rogon e n’en nra rin’ miyad li’ Jesus ngem’ nib mith; ni bochan e yad be tamdag ngak e girdi’.

John 19:4

Me sul Pilate nga wuru’ e naun bayay me ga’ar ngak fapi girdi’ ni aram urngirad, “Mu sapgad, nggu fek Jesus ngomed ngaray nga wean ngam guyed ndawor gu pir’eg tapgin ni ngan turguy e gechig rok.”

2 Korinth 11:12

Bay ug ngongliy i yan e tin ni gu be rin’ e chiney, ni fan e nggu tay e tin ni be’er e “apostel” nge dabi yib tapgin ni ngar ufgad ngu’ur rogned ni ta’reb rogon e maruwel ni yad be tay ngomad.

Filippi 2:15

nge yag ni mpired ndariy thibngimed ma gimed bmachalbog, ma pifak Got gimed ni gimed ba yal’uw ni gimed be par u fayleng u fithik’ e girdi’ ndar yal’uwgad ma yad ba kireb. Thangri gal rama’emed u fithik’rad ni bod e t’uf ni be gal’ lanelang,

1 Timothy 5:14

Ere kabfel’ u wun’ug ni pi’in ke yim’ figirngirad ma dawor ra pilibthirgad e ngar uned ko mabgol, ngar fakyed e bitir, mu ur ayuweged e tabinaw rorad, ngad guyed rogon ni dabi yib tapgin ni nge yog e pi’in nto’ogor rodad ni gadad ba kireb,

Titus 2:8

Mu welthin ni bfel’ rogon ndabiyag ni nge tay be’ thibngim, nge mang e pi’in yad e to’ogor rom e ra tamra’gad ni fan e dariy ban’en nib kireb nrayag ni ngrogned ni murung’agdad.

1 Peter 2:12

Ma susun e ngar um pired u fithik’ e pi’in ndar nanged Got ni bfel’ pangimed, ya ngrogned nib kireb e ngongol romed, me Chirofen ni sul Kristus riy miyad nang ni bfel’ e ngongol romed, ma aram miyad yog e sorok ngak Got.

1 Peter 3:16

Machane ngam rin’ed u fithik’ e sumunguy nge tayfan. Mpired ndariy ban’en ni be methan’med ngay ni ban’en nib kireb ni kam rin’ed, ni fan e nganognimed nga dalib ni aram rogon ni gimed be fol rok Kristus, ma pi’in karogned pangimed ni bfel’ nga dalib e ngar tamra’gad ko thin ni karogned.

Judges 14:4

Ma de nang e chitamngin nge chitiningin ni SOMOL e be pow’iy Samson ni nge yodorom, ya be guy SOMOL rogon ni nge cham ngak piyu Filistia. Ya re ngiyal’ i n’em e ke par ni piyu Filistia e be gagiyegnag piyu Israel.

1 Samuel 12:4

Me fulweg e girdi’ ni lungurad, “Dawor mu ban nagmad ara mu gafgow nagmad; ma dariy ban’en ni kamfek rok be’.”

1 Samuel 18:14

ma urngin e tin i ngongliy ma bfel’, ya bay SOMOL rok.

1 Samuel 22:14

Me fulweg Ahimelek ni ga’ar, “I David u fithik’ e tolang ko salthaw rom e th’abi yul’yul’! Ma figirngin fakam, ma ir e ga’ rok e pi matnag rom, ma gubin e girdi’ nma tayfan u lan tafen e pilung.