Daniel 6:12 - Bible Ni Thothup

¹² miyad yan ni yad gubin u ta’bang ngak e en ni pilung ngranod ra adaw niged Daniel ngak. I lungurad, “Pilung, kam sayinnag bbugithin ni fa guyey i rran ni kamog e fa’an yira pir’eg be’ riy ni be wenignag bbugithin ngak ba got ara be’, ni fa’anra gathi gur e ke wenignag ngom, ma nganin’ ngalan fare low ni tafen e layon.” Me fulweg fare pilung ni ga’ar, “Er rogon, re thin nem e thingar ni fol riy ni bod e pi motochiyel rok yu Media nge yu Persia, ni dabiyag ni ngan thiliyeg.”

Daniel 6:12 交叉參考

Ester 1:19

Fa’anra ba m’ag u wun’um i gur Pilung me ere mog lungum nge garer ni Vashti e darkiy e ngiyal’ ni nge yib nga p’eowchem. Mog ngan yoloy ngalan e motochiyel nu Persia ngu Media ya nge dabkiyag ni ngan thilyeg. Ma aram mag pi’ e liw rok ni queen ngak reb e bpin nib manigil boch ngak.

Daniel 6:15

Me sul fapi pumo’on ngak me lungurad ngak, “Gur pilung e ga manang ni rogon e pi motochiyel rok yu Media nge yu Persia e dariy bbugithin ni nge sayin e en pilung ngay ni ku yira thiliyeg.”

Daniel 6:8

Ere gur pilung e ngam sayin ko re motochiyel ney ngan fanay nib motochiyel ko girdi’ nu Media ngu Persia ni dabiyag i thilyeg.

Acts 16:19

Ma nap’an ni nang fa picha’ nib milfan fare pin ngorad ndakuriy e gin ku ra yib e salpiy riy ngorad, miyad kol Paul nge Silas ngar girngiyed yow i yan ngabang ni yima mu’ulung ngay nga p’eowchen e pi’in yad be yog e thin.

Acts 16:24

Ma fa’an nog e re bugithin nem ngak, me yin’row ngalan reb e senggil nib kan nga lukngun e kalbus me tay ayrow nga daken ba gek’iy nib dib’ag ni ka ni ker luwan ayiy riy, nge mu’ me tay bang nga daken faginem e gek’iy me loknag.