Daniel 5:8 - Bible Ni Thothup

⁸ Urngin e pi tafnow ni yad ma puruy’ e en ni pilung e rabad, machane dariy bagayad nrayag rok ni nge be’eg fapi yol ara weliy fan ngak e en ni pilung.

Daniel 5:8 交叉參考

Genesis 41:8

Ma fa’ani kadbul me par nike magafan’, me l’oeg e thin nge yan ngak urngin e pi tamerong nge pi’in ni gonop u Egypt ni ngarbad ngak. Me weliy ngorad e lik’ay rok, machane dariy bagayad ni yag rok ni nge weliy fan ngak.

Isaiah 47:9

Machane u lan ta’boch ngiyal’, u ta’abo rran, ma l’agruw e galin’ey nra buch. Dariyfan urngin e pig ni um tay, ma figirngim nge pifakam e bay ra mulgad u pa’am.

Jeremiah 50:35

Be ga’ar SOMOL, “Yam’ e nge tay yu Babylon! Yam’ e nge tay e girdi’ riy, nge pi’in ma gagiyegnag, nge girdi’ riy nib gonop.

Daniel 2:27

Me ga’ar Daniel, “Pilung, dariy reb e llowan’ ara ba tamerong ara ba tamanbey ara be’ nma bon ko t’uf nrayag rok ni nge weliy ngom.

Daniel 4:18

Me ga’ar Nebukadnezzar ni Pilung, “Irera’ fare lik’ay ni gu tay. Ere gur Belteshazzar, e ngam weliy fan ngog e chiney. Pi tafnow ni gamad ma puruy’ e dariy bagayad nrayag rok ni nge weliy ngog, machane gur e rayag rom, ya gonop ko pi got nib thothup e bay rom.”

Daniel 4:4

“I gag Nebukadnezzar e ug par u tafnag u fithik’ e gapas nrib fel’ rogog.

Daniel 4:7

Me yib urngin e pi tamanbey ngog, nge pi tamerong, nge pi llowan’, nge pi’in yad ma bon ko t’uf, mu gu weliy e lik’ay rog ngorad, machane de yag rorad ni ngar weliyed fan ngog.

Daniel 5:15

Pi tafnow ni gamad ma puruy’ nge pi tamerong e ka ni fekrad i yib ngaray ni ngar be’eged e pi yol ney ngar weliyed fan ngog, machane de pat fan rorad.