Daniel 4:31 - Bible Ni Thothup

³¹ Nap’an ni ka be welthin, me non ba lam u lanelang ngak ni be ga’ar, “Nebukadnezzar ni Pilung, mu telim ko tin ni nggog. Gagiyeg ni ga be tay e ka ni fek u pa’am e chiney.

Daniel 4:31 交叉參考

Genesis 14:18

Me Melkizedek, ni ir e pilung nu Salem ma ku ir e Prist ni Th’abi Ga, e fek e flowa nge wayin i yib ngak Abram,

BABYOR NI JOB 20:23

Mu pag nge kay gubin e tin ba’adag! I Got e bayi gechignag u fithik’ e puwan’ nge damumuw nib gel.

Psalms 145:13

Gagiyeg rom e bayi par ndariy n’umngin nap’an, ma bay um par ni gur e pilung ndariy n’umngin nap’an. I SOMOL e ba yul’yul’ ko tin keyog nra rin’, ma bfel’ urngin e tin ma rin’.

Proverbs 29:23

Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.

Isaiah 14:27

I SOMOL ni Gubin ma Rayag Rok e turguy ni nge rin’ e ran’ey; ke k’iyag pa’ ni nge gechig, ni dariy be’ nrayag ni taleg.

Daniel 12:7

Fare mo’on nike chuw ko mad nib wech ni bay u bugul e lul’ e pug pa’ ngalang nruw raba’ me micheg bbugithin nga fithingan Got nib manemus. Mu gu rung’ag nike ga’ar, “Bayi par ni dalip nge baley e duw. Ma nap’an nra m’ay e gafgow ni yibe tay ngak e girdi’ rok Got, ma ke lebug gubin e pin’ey.”

Daniel 4:24

“Pilung rog, ba’aray fan. Got ni Ir e Th’abi Tolang e ba’aray e n’en nike yog ni bayi buch rom.

Daniel 4:26

Pi engel e rogned ni nga ni pag muchun u fithik’ e but’. Fan e ren’ey e bay kum mang pilung bayay nnap’an ni bay mu nang ni Got e be gagiyegnag e fayleng ni polo’.

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Daniel 4:32

Bay ni tulufem ngam chuw u fithik’ e girdi’ ma ga yan mpar nga fithik’ e gamanman ni malboch. Ma medlip e duw ni bay um par ni ga be kay e pan ni bod ba garbaw. Ma aram e bay mu nang ni Got ni Ir e Th’abi Tolang e ma gagiyegnag e pi gagiyeg ni be tay e pi pilung nu fayleng, mrayag rok ni nge gagiyegnag nge pilung be’ ni ir e ke duwgiliy.”

Daniel 4:34

“Fa’ani taw nga nap’an mu gu changar ngalang, i gag Nebukadnezzar, me sul lanin’ug ngog. Mu gu pining e sorok ngak Got ni Ir e Th’abi Tolang, ni bay i par nib fos ndariy n’umngin nap’an, mu gu tay fan, mu gog ni ir e ba gilbuguwan, me lungug, “I ir e bayi gagiyeg ni dariy n’umngin nap’an, ma gagiyeg rok e gubin ngiyal’ ni bay i par.

Daniel 5:20

Ma bochan e tolngan’ me ufanthin me gelan’, me gafgownag e girdi’, min chuweg ko pilung nge dakun tay fan.

Daniel 5:28

ma fan e kuweg e aram e kem’ay i kuweg e gagiyeg ni ga be tay ka ni pi’ ngak yu Media nge yu Persia.”

Daniel 6:27

Ma ayuweg e pogofan mma chuwegey u fithik’ e riya’; ma ngongliy e tin yira ngat ngay nge pi maang’ang u tharmiy ngu but’. Ke ayuweg Daniel rok e layon.”

Matthew 3:17

Me non ba lam u tharmiy ni ga’ar, “Ireray Fakag nib t’uf rog ni kari felan’ug ngak.”

Luke 12:20

Machane me ga’ar Got ngak, Ri gab balyang! Neap’ ney e ra aw e fan rom; me mini’ e bayi fek urngin e pin’ey ni kam tay ni fan ngom?”

John 12:28

Ah Chitamag, mu tayfan fithingam!” Me ere yib ba lam u tharmiy nga but’ ni ga’ar, “Kug tayfan ma bay kug rin’ bayay.”

1 Thessalonika 5:3

Ngiyal’ nem e ra ga’ar e girdi’ e ke gapas ndariy ban’en nra buch, ma yad ra da’da’ nike taw e riya’ ngorad! Ma dabiyag ni ngar milgad riy — ya bod e amith nma yib ngak be’ ni bpin ni be n’en ni nge gargel.

Revelation 16:7

Mu gu rung’ag ba lam ni yib u altar ni be ga’ar, “Somol ni Got, ni Gubin ma Rayag Rok! Rib riyul’ ma rib mat’aw e gechig ni kam pi’!”

1 Samuel 13:14

Ma chiney e aram e bayi tal e gagiyeg ni ga be tay. I SOMOL e bay fek be’ ni ba’adag nge tay ni ir e nge mang pilung rok e girdi’ rok, ni bochan e dakum fol rok SOMOL.”

1 Samuel 15:23

Togopluw ni ngan tay ngak e ta’reb feni kireb nge pig, ma ufanthin nge tolngan’ e ba denen ni ta’reb rogon ko meybil ni yima tay ko liyos nma meybil boch e girdi’ ngay. Bochan e kam pi’ed keru’med ko tin ni yog SOMOL ngom ni ngam rin’, ma aram e ku er rogon ir nike n’igem ni aram e dab kum pilung.”