41 Ma ku ra kol fare nam ni micheg Got ko girdi’ rok ni ngar tafned nge thang e pogofan rok yu ragag i biyu’ girdi’en. Machane girdi’ ko pi binaw nu Edom, Moab, nge tin ni magach u Ammon e go’ bay ra thaygad ni dabni kolrad.
Machane pi rran ni bay yib e bayi gagiyegnag SOMOL yu Moab nge sul e flaab rok nga tagil’ bayay. Gubin e pin’ey ni yog SOMOL e aram rogon nra taw ngay u puluwon yu Moab.
En nike m’ag e mael ngorad e bayi guy e tin ngi i rin’ ngorad, ndakuriy be’ nra togopluw ngak. Ma bay yib i sak’iy ngalan fare nam, ni micheg Got ko girdi’ rok ni taferad, me par nike milfan nga tan pa’.
Ma bayi n’uf fapi tent rok ni ba ga’ ni tafen nga bangi n’en ni bay u thilin e day nge fare burey ni bay e Tempel riy. Ma bayi yim’ ndariy be’ u charen ni nge ayuweg.”
Me yib buchi reb e gagey u reb fa aningeg i gagey. Me taw gelngin ko yimuch nge mada’ ngalan e ngek, nge taw ko fare nam ni micheg Got nra pi’ ko girdi’ rok.
