Acts 2:23 - Bible Ni Thothup

²³ I Got e manang me ir e turguy ni ngan pi’ Jesus nga pa’med; ma kam thanged e fan rok, ya mu ted gimed ngak e girdi’ ntadenen ngar richibiyed ko kuruth.

Acts 2:23 交叉參考

Genesis 50:20

Mu puruy’ niged ni ngam ngongliyed e kireb ngog, machane me yib Got ngay nge pingeg nga daken e fel’ ni fan e nge ayuweg e pogofan rok e girdi’ ni pire’, ni pi’in ka yad bafos e bin daba’ e rran ni bochan e tin mu rin’ed ngog.

Psalms 76:10

Damumuw ko girdi’ e kemus ni be gelnag feni sorom; ma pi’in de yim’ ko mael e bay ur madnom niged gur.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Matthew 20:19

miyad pi’ ngak e pi’in gathi yad piyu Israel, ni yad e bay ra moninggad ngak, miyad toy ko dumow, miyad richibiy ko kuruth; ma chirofen nra gaman e dalip fen ngay e bay ni faseg ko yam’.”

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Matthew 27:35

Miyad richibiy ko fare kuruth miyad f’oth e mad rok rorad, ni yad be girngiy e pow ni nge duwgiliy e bin nge fanay bagayad.

Mark 15:24

Ma aram miyad richibiy ko fare kuruth miyad f’oth e mad rok rorad, ni yad be girngiy e pow ni nge duwgiliy e bin nge fanay bagayad.

Luke 22:22

Ya en ni Fak e Girdi’ e bay yim’ ni bod rogon nike turguy Got; machane ri bayi gafgow e re mo’on ni ir e bayi yagnag!”

Luke 22:37

Ya nggog ngomed ni fa gin’en ni bay u lan e babyor nib thothup ni fa’ani be ga’ar, ‘Min uneg fa’anem nga fithik’ e pi’in kar th’abed e motochiyel,’ e thangri yib i m’ug nib riyul’ u murung’ageg. Ya n’en nni yoloy ni murung’ageg e bay yib i m’ug nib riyul’.”

Luke 23:33

Ma fa’anra tawgad ko fare gin’en nu “Lo’ ” fithingan, miyad richibiy Jesus ko kuruth u rom, nge fa gali cha’nem ni kar th’abew e motochiyel, ni bagayow nga ba’ ni mat’aw rok ma bagayow nga ba’ ni gilay’ rok.

Luke 24:20

Pi’in tolang ko prist rodad nge pi’in yad ma yog e thin rodad e ra pi’ed ngan turguy ni ngan thang e fan rok, miyad richibiy ko kuruth.

John 19:18

Miyad richibiy ko kuruth ko gin’em; ma ku errogon l’agruw i girdi’ ni kur richibiyed nga l’agruw i kuruth, nra bagayow ma bay u baraba’ i to’oben Jesus, ma bay Jesus u thilrow.

John 19:24

Me weliy fapi salthaw rorad ni lungurad, “Dab da guchthuyed; ya ngad girngiyed e pow nge duwgil e en ni ir e nge fanay.” Miyad yodorom ni bochan e nge yib i m’ug nib riyul’ e tin ni yog e babyor nib thothup ni ga’ar: “Kar f’othed e mad rog u dakenrad, miyad girngiy e pow ko en nge fanay e mad rog.” Ireray e n’en ni rin’ fapi salthaw.

Acts 13:27

Ya girdi’ ni be par u Jerusalem, nge pi’in yad be yog e thin rorad, e da ur nanged ni ir fa’anem ni nge thapeg e girdi’ ngak Got, ma ku da ur nanged fan e thin rok e pi profet ni yima be’eg ngorad ni gubin e Sabbath. Machane kar riyul’niged e thin ni yog e pi profet ni bochan e ra turguyed ni ngan li’ Jesus ngem’.

Acts 15:18

Ireray rogon nike yog Somol, ni ir e ke gagiyegnag e re bugithin ney kan nang ni kakrom.’

Acts 2:36

“Ere urngin e girdi’ nu Israel ni thingar ra nanged ni cha’nem i Jesus, ni ir e mu richibiyed ko kuruth, e ke tay Got ni ir e Somol nge Messiah!”

Acts 3:18

Kab kakrom me weliy Got u l’ugun urngin e pi profet ni Messiah rok e dabisiy ni nge gafgow; me muruwliy nge yib i m’ug nib riyul’ ni aray rogon.

Acts 4:28

Ra mu’ulunggad ni ngar rin’ed urngin e tin kem’ay i duwgiliy rom ni ngan rin’, ni gelngim e mu duwgiliy ngay.

Acts 5:28

“Kug ted chiylen ngomed ndab kum machib niged fithingan nge murung’agen e re mo’on nem; machane amuguyed aray e n’en ni kam rin’ed! Kam wereged e tin ni gimed be machibnag u gubin yang u Jerusalem, ma gimed ba’adag ni ngan leamnag ni gamad e gu warod u murung’agen ngan li’ ngem’!”

Acts 5:30

Fare Got rok e pi chitamangidad e faseg Jesus ko yam’ u tomuren ni kam thanged e fan rok, ni fa’ani mrichibiyed nga ba kuruth.

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Roma 2:12

Pi’in gathi yad piyu Israel e dariy rorad fare Motochiyel rok Moses: yad be denen kar pired ni yad bmalog ni bochan e de moy Got rorad, ni yugu aram rogon ndariy fare Motochiyel rorad. Ma piyu Israel e bay e re Motochiyel nem rorad; ma yad be denen kemang e re Motochiyel nem e be turguy e gechig rorad.

Roma 4:17

Ni bod rogon ni be yog e babyor nib thothup ni be ga’ar, “Kug ngongliyem kam mang chitamngin bo’or e nem.” Ere pi thin ney nike yog Got e bfel’ u p’eowchen Got, ni ir e re Got nib mich u wan’ Abraham — ni ir fare Got nma faseg e yam’ mra non me sum e tin nda immoy ban’en.

1 Thessalonika 2:15

ni ireram e picha’ nra li’ed Somol Jesus nge pi profet, miyad gafgow nagmad. Dar fel’gad u wan’ Got! Ma yad be togopluw ngak urngin e girdi’!

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

1 Peter 1:20

Ni Got e turguy u m’on ko ngiyal’ ni ba’aram ndawori sunumiy e fayleng riy, ma ke yib i m’ug ngomed ko tin tomur ney e rran ni bochmed.

1 Peter 2:8

Ma ku bayang e babyor nib thothup e be ga’ar, “Ireray fare malang ni bayi tun ay e girdi’ ngay, ni fare war ni bayi dol’ nagrad.” Kar dol’gad ni bochan e de michan’rad ko thin rok Got; aram e tin ke leamnag Got ngorad.

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.