2 Samuel 10:8 - Bible Ni Thothup

⁸ Me yan e pi Ammon ngranod ra fal’eged rogorad ko garog nga Rabbah, ni aram e re binaw ni tafen e pilung rorad, ma tin nike magey, ni aram e pi Syria nge pi salthaw nu Tob ngu Maakah, e go’ ra fal’eged rogorad u daken e tafelfel’ ngar pired.

2 Samuel 10:8 交叉參考

2 Samuel 10:6

Ma kenang piyu Ammon ni kar k’aringeded David ke mang to’ogor rorad, ma aram mar pi’ed puluwon 20,000 e pi salthaw nu Syria ni yad bay u Bethrehob ngu Zobah, nge 12,000 e pi pumo’on nu Tob, nge fare pilung nu Maakah ni bay 1,000 e salthaw rok.

2 Samuel 10:7

Me rung’ag David murung’agen e ren’ey me l’oeg Joab nge fare raba’ i salthaw ni ga’ngin ni ngar togopluwgad ngorad.

2 Samuel 10:9

Me guy Joab ni fa yu raba’ i salthaw ni to’ogor e yad ra yib ngak ncham u m’on ngu tomur, ma aram me mel’eg e pi’in nth’abi cheag ko pi salthaw nu Israel nge tayrad nga gil’rad ni yad ba changar ngak fapi Syria.

1 Kings 11:24

ma kemang tagagiyeg u barba’ i girdi’ nma togopluw ko motochiyel ko nam. (Ran’ey e buch nga tomuren nike gel David ngak Hadadezer ma ke thang e fan rok e piyu Syria ni ur folgad ngak.) Me yan Rezon nge fa raba’ i girdi’ rok ngar pired u Damaskus, ni aram e gin ni pilungnag pichongin riy, nge mang pilung nu Syria.

1 Kronicles 19:7

Fa 32,000 i chariot ni kar pi’ed pulwon nge fare raba’ i salthaw rok e en ni pilung nu Maakah e rabad ra pired nga to’oben yu Medeba. Ma ku errogon piyu Ammon nrabad nga wuru’ gubin e binaw rorad ngar fal’eged rogorad ni fan ko mael.

1 Kronicles 19:9

Me yan e pi salthaw nu Ammon ngar fal’eged rogorad nga langan e garog u Rabbah, ni aram e re binaw ni tochuch ko am rorad, ma fapi pilung ni karbad ni ngar ayuwgad e ra fal’eged rogorad ngar pired u barba’ e ted.

Jeremiah 40:8

Ere Ishmael nib mo’on ni fak Nethaniah, nge Johanan nib mo’on ni fak Kareah, nge Serayah nib mo’on ni fak Tanhumeth, nge pi pumo’on ni fak Efai nu Nethofah, nge Jezaniah nu Maakah e ru’ned ko fapi pumo’on ngranod ngak Gedaliah nga Mizpah.

Numbers 13:21

Ere me yan fapi pumo’on u rom ngalan e lel’och ngar lekeged fare nam nra tababgad u daken e ted nu Zin ni bay u lan e yimuch ko fare nam ngar tawgad nga Rehob, nib chugur ko Hamath Pass u lan e lel’och ko fare nam.

Joshua 19:28

Ebron, Rehob, Hammon, nge Kanah, me yan nge taw nga Sidon.

Judges 1:31

Ma ganong rok Asher e de tuluf e pi girdi’ nma par u lan e pi binaw nu Akko, Sidon, Ahlab, Akzib, Helbah, Afek, ngu Rehob.

Judges 11:3

Me mil Jefthah rok e pi pumo’on ni walagen nem nge yan i par ngalan fare nam nu Tob. Mu rom e bay ba ulung i pumo’on riy ndariy ban’en ni yad bfel’ ngay nra adaged daken ngu’ur uned ngak i yan.

Judges 11:5

Nap’an ni buch e ren’ey, me yan e pi tayugang’ nu Gilead ko fare nam nu Tob ni ngar fulweged facha’ i Jefthah.