10 Ere pi walageg ni girdi’en Kristus, mu guyed rogon ngam athamgilgad nge yib fan e pong nike tay Got ngomed, nge rogon nike mel’egmed ngu’um pired riy; fa’an gimed ra rin’ ni aray rogon ma ri dabiyag ni ngam thaygad.
Yad ma pi’ e salpiy ni lon ni darir yin’ed e win rorad ngay, ma darir feked puluwon e sasalap ni fan e ngar micheged ban’en nib togopluw ngak be’ ni bfel’ e rok. Cha’ nma rin’ e pin’ey e ba muduwgil u but’ ni dariy ban’en nra buch rok.
Pi to’ogor rodad e dariy rogon ni ngar girig gad ngodad. Kad mulgad machane bay kud sak’iy gad bayay. Gadad be par u fithik’ e lumor e chiney, machane SOMOL e bayi pi’ e tamilang ngodad.
Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”
N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.
Re pagan’ nem e kemang angkar rok lanin’dad, ya be par nib muduwgil, ma ke yan ke kuruf fa gi kateng ko Tempel nu tharmiy ke yan i par ngalan fare senggil ni ir e th’abi thothup ko Tempel.
miyad fulweg e thin ngak Joshua nra ga’argad: “Dariyfan ni nge yan gubin e girdi’ ko cham ngak yu Ai. Mu l’oeg nap’an l’agruw ara dalip biyu’ e salthaw. Dab mu pi’ e pi salthaw ni gubin ngranod ngaram ko cham; ya gathi bbinaw nib ga’.”
I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.
Pi fla’ab nem e gimed e fanmed, ni gimed e pi’in ke thapegmed Got ngak u daken gelngin ngu daken e michan’ romed ngak, ma gimed be sonnag e gin ngam thapgad ngay, ni kan ngongliy rogon kan tay ni ngan dag ko ngiyal’ ni nge mus e rran riy.
Gelngin Got e ke pi’ ngodad urngin e tin nge yag ngodad ngad pired ko wok ni ir e mm’agan’ Got ngay ni bochan e kadnanged fa’anem ni ir e ke piningdad ni ngad uned ngak ko fla’ab ni bay rok ma gadad rin’ e tin nib mat’aw ni bod ir.
Pi tafager rog, n’umngin nap’an ni gimed be par ni gimed be sonnag e re Rran nem e ngu’um athamgiliyed ngam pired ni gimed bmachalbog ma dariy thibngimed u p’eowchen Got ma ngam pired nib aw e gapas u thilmed Got.
Machane gimed e pi tafager rog e go’ kam nanged e re bugithin ney. Ere mu gonopiyed gimed, nge dabiyag ni waliymed nga bayang e oloboch ni be tay e pi’in ndariyfan e motochiyel u wun’rad ngam thaygad ko gin kam pired riy ni dabi buch ban’en romed riy.
Nge felan’ e pi’in ni kar lukniged e mad rorad ke be’ech, ya bay mat’awrad ni ngar ked wom’ngin fare ke gek’iy ko yafos, miyad yan u langan fapi garog ngalan fare binaw.
