1 Samuel 26:9 - Bible Ni Thothup

⁹ Machane me ga’ar David, “Ri dab mu maad’ad ngak! SOMOL e ra gechignag e en nra rin’ e kireb ngak e re pilung nike turguy.

1 Samuel 26:9 交叉參考

2 Samuel 1:14

Me fith David ngak ni ga’ar, “I di’in me math’ magaren rom ni ngam li’ e pilung ni SOMOL e turguy?”

2 Samuel 1:16

me ga’ar David ngak fare Amalekite, “Gur e kam girengiy e biney e pa’ nga dakenam. Gur e mu turguy e n’en ni ngan rin’ ngom nnap’an ni mog ni gur e kam li’ e en ni SOMOL e turguy ni nge mang pilung.”

2 Samuel 19:22

Me ga’ar David ngak Abishai nge Joab ni walagen Abishai, “Mini’ e ke fith ngomew lanin’mew? Mognew, gimew be finey ni ngam fekew gag ko kireb? I gag e en ni pilung u Israel e chiney, ere dariy be’ u Israel ni ngan li’ e daba’.”

Psalms 105:15

I ga’ar, “Dabi math pa’med ngak e pi tapigpig rog ni gu mel’egrad; dab mu rin’ed ban’en ngak e pi profet rog!”

Psalms 17:4

ni bod nma rin’ boch e girdi’; ma gu ma fol ko motochiyel rom ma dagur lek kanowa’en e pi’in yargal.

Psalms 57:1

A Got, nge wurngan’um ngog, ma ga runguyeg, ya kugub ngom ni nggu naf nga tan pa’am. taglul’ u tan pom e kug naf ngay nge taw ko ngiyal’ nike m’ay e yoko’.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray:

1 Samuel 12:3

Ere gub aray. Fa’anra kug ngongliy ban’en nib kireb, me ere mogned e chiney u p’eowchen SOMOL nge fare pilung ni ir e ke duwgiliy. Mogned, kug fek e garbaw ara dongki rok be’? Ka’a gu bannag be’ ara kug gafgownag be’? Ka’a gu fek puluwon e sasaliyab? Fa’anra kug rin’ reb e pin’ey ma nggu pi’ puluwon e tin kug fek.”

1 Samuel 26:8

Me ga’ar Abishai ngak David, “Ke tay Got e en to’ogor rom ngalan pa’am e nep’ ney. Ere mpaggeg nggu rugoy e sarey rok ngak, nggu michgiy u but’ nri ta’abyay — dabiman e l’agruw yay ni nggu rugoy!”